سمر کیمپ طلباء کی جسمانی اور ذہنی نشوونما کے لیے بہترین موقع: ادھے چِب
لازوال ڈیسک
جموں// آج ایک متاثر کن واقعہ سامنے آیا جب جموں نارتھ اسمبلی کے سینکڑوں طلباء نے لوئر روپ نگر میں سمر جوڈو کوچنگ کیمپ میں جوش و خروش سے حصہ لیا۔وہیں اس کیمپ کا انعقاد، شاستری جوڈو کلب کے کوچ رومی جموال نے جموں و کشمیر جوڈو ایسوسی ایشن کے تعاون سے کیاتھا، اس دوارن نوجوان کھلاڑیوں اور ان کے معاون والدین کا شاندار ٹرن آؤٹ دیکھا گیا۔کیمپ کا انعقاد انڈین یوتھ کانگریس کے قومی جنرل سکریٹری ادھے بھانو چِب کی موجودگی سے ہوا جنہوں نے بطور مہمان خصوصی شرکت کی۔
وہیںاس تقریب میں جوڈو کلب کے کوچ شاستری کے ساتھ، مہمان خصوصی کے طور پر وکاس گپتا کا بھی خیرمقدم کیا گیا، جنہوں نے شرکاء کو ماہرانہ رہنمائی اور حوصلہ افزائی کی۔اس موقع پر خطاب کرتے ہوئے، ادھے بھانو چِب نے طلباء کی ہمہ گیر ترقی کے لیے اس طرح کے اقدامات کی اہمیت پر روشنی ڈالی۔ انہوں نے کہا سمر جوڈو کوچنگ کیمپ طلباء کو جسمانی تندرستی، نظم و ضبط اور اپنے دفاع کی تربیت میں مشغول ہونے کا بہترین موقع فراہم کرتا ہے۔ یہ نہ صرف ان کی جسمانی طاقت کو بڑھانے میں مدد کرتا ہے بلکہ ان کی ذہنی لچک اور خود اعتمادی کو بھی بڑھاتا ہے۔انہوں نے مزید کہا نوجوانوں میں سپورٹس مین شپ اور دوستی کے جذبے کو فروغ دینے کے لیے، ایسے کیمپ ضروری ہیں۔
چِب نے رومی جموال اور جے کے جوڈو ایسوسی ایشن کی جوڈو کو فروغ دینے اور نوجوان ٹیلنٹ کو اپنی صلاحیتوں کو نکھارنے کے لیے ایک پلیٹ فارم فراہم کرنے کے لیے ان کی کاوشوں کی بھی تعریف کی۔ انہوں نے مزید کہا کہ طلباء اور ان کے والدین دونوں کی طرف سے اس طرح کے جوش و خروش اور عزم کو دیکھ کر خوشی ہوتی ہے۔ یہ کیمپ ہمارے نوجوانوں کی صلاحیت اور کھیلوں میں ان کی خواہشات کی حمایت کرنے کی اہمیت کا ثبوت ہے۔انہوں نے کہا کہ سمر کیمپ امید اور مواقع کی ایک کرن بنا ہوا ہے، جو نوجوانوں کی حوصلہ افزائی کرتا ہے کہ وہ کھیلوں اور اس سے آگے بڑھیں۔وہیںاس تقریب میں جوڈو کے مختلف مظاہرے، تربیتی سیشنز، اور انٹرایکٹو سرگرمیوں کا مشاہدہ کیا گیا، جس سے تمام حاضرین کے لیے ایک پرکشش اور تعلیمی تجربہ ہوا۔ وہیںوالدین نے اپنے بچوں کی جسمانی اور ذہنی تندرستی پر اس کے مثبت اثرات کو نوٹ کرتے ہوئے کیمپ کے لیے شکریہ ادا کیا اور تعریف کی۔
