حیدرآباد18اگست(یواین آئی)حیدرآبادڈیزاسٹررسپانس اینڈ ایسسٹس مانیٹرنگ اینڈ پروٹکشن(حیدرا)ادارہ کی جانب سے آج گنڈی پیٹ میں غیر مجازتعمیرات کے خلاف کریک ڈاؤن کرتے ہوئے خانہ پور میں غیر مجازتعمیرات کو منہدم کردیاگیا۔ ان عمارتوں کے مالکین نے اجازت کے بغیریہ کاروباری کامپلکس بنائے تھے۔صبح سے ہی انہدامی کارروائی دیکھی گئی۔ اس موقع پر عہدیداروں اورعمارتوں کے مالکین کے درمیان زبردست بحث وتکرارہوئی۔ پولیس کی بھاری تعداد کے ساتھ انہدامی کارروائی انجام دی گئی۔ پولیس راستے میں آنے والوں کو گرفتار کر رہی ہے۔ ماحولیاتی ضوابط کی خلاف ورزی کرتے ہوئے بفر زون میں کئی عمارتیں کھڑی کی گئی تھیں۔اس سلسلہ میں شکایات موصول ہونے کے بعد حیدراکمشنر رنگناتھ نے کارروائی شروع کی۔پولیس کی بھاری موجودگی میں عملے نے غیر قانونی تعمیرات کو منہدم کردیا۔
