لیفٹیننٹ گورنر نے سوپور میں مختلف ترقیاتی پروجیکٹوں کا اِفتتاح کیا او رسنگ بنیاد رکھا
کہا،آج لوگوںکیلئے وقف کردہ منصوبے اور شروع کئے گئے نئے کام مجموعی معیارِ زندگی کو بہتر بنائیں گے
کہا ، اِنتظامیہ بغیر کسی اِمتیاز کے لوگوں کی ترقیاتی ضروریات کو پورا کرنے کیلئے پُر عزم ہے ۔ ہم نے معاشی سرگرمیوں کو کامیابی سے عملایاہے اور
تمام شعبوں میں تاریخی تبدیلیاں رونما ہو رہی ہیں
ہم نے تین برسوں میں بہت سے اہم قدم اُٹھائے ہیں جو وزیرا عظم نریندر مودی جی کے تیز تر ترقی اور
جامع ترقی کے پختہ عزم کی عکاسی کرتے ہیں۔ لیفٹیننٹ گورنر
لازوال ڈیسک
بارہمولہ؍؍لیفٹیننٹ گورنر منوج سِنہا نے آج سوپور کا دورہ کیا اور مختلف ترقیاتی پروجیکٹوں کا اِفتتاح کیا۔اُنہوں نے 6.29 کروڑ روپے کی لاگت سے سلطانپورہ گوشبُگ اور اَگلر کی اَندرونی لِنک سڑکوں کی اَپ گریڈیشن اور جل جیون مشن کے تحت 57 کروڑ روپے کی واٹر سپلائی سکیم پریہا س پورہ اور پیری فیرل پریہاس پورہ کا اِی۔سنگ بنیاد رکھا۔لیفٹیننٹ گورنر نے اَپنے خطاب میں کہا کہ عوام کے لئے وقف کردہ منصوبے اور آج شروع کئے گئے نئے کام مجموعی معیارِ زندگی کو بہتر بنائیں گے اور ترقی میں سماجی ، اِقتصادی اور علاقائی عدم توازن کو دور کریں گے۔اُنہوں نے کہا،’’ ترقی ہمارا عزم ہے ،یہ ہمارا مذہب ہے ۔ اِنتظامیہ بغیر کسی اِمتیاز کے لوگوں کی ترقیاتی ضروریات کو پورا کرنے کے لئے پُر عزم ہے ۔ ہم نے معاشی سرگرمیوں کو کامیابی سے عملایا ہے او ر تمام شعبوں میں تاریخی تبدیلیاں رونما ہو رہی ہے۔‘‘لیفٹیننٹ گورنر نے جموںوکشمیر کے لوگوں کی اُمنگوں کو پورا کرنے کے لئے جموںوکشمیر یوٹی اِنتظامیہ کے عزم کو دہرایا۔اُنہوں نے کہا،’’ سوپور کی فرقہ وارانہ ہم آہنگی اور خوشحالی کی ایک تاریخ ہے لیکن اس کے ساتھ ساتھ جامع ترقی کے اَپنے منفرد چیلنجز بھی ہیں۔ جموںوکشمیر یوٹی اِنتظامیہ نے تین برسوں میں بہت سے اہم قدم اُٹھائے ہیں جو وزیر اعظم نریندر مودی جی کی تیز تر ترقی اور جامع ترقی کے پختہ عزم کی عکاسی کرتے ہیں۔‘‘لیفٹیننٹ گورنر نے اِجتماع سے خطاب کرتے ہوئے عوام سے اپیل کی کہ وہ سوپور کی خوبصورتی اور ترقی میں بڑھ چڑھ کر حصہ لیں۔اُنہوں نے کہا کہ آج سوپور سمارٹ سٹی بننے کی خواہش رکھتا ہے ۔ شہری اَچھی سڑکیں ، عالمی معیار کا بنیادی ڈھانچہ اور معیاری زندگی گزارنے کے لئے جدید سہولیات چاہتے ہیں۔ ہمیں اَپنے اسپریشنل شہروں اور دیہاتوں کی تقدیر بدلنے کے لئے جن بھاگیداری کے جذبے کے ساتھ مل کر کام کرنے کی ضرورت ہے۔لیفٹیننٹ گورنر نے ایک پُر اَمن اور خوشحا ل معاشرے کی تعمیر کے لئے جموںوکشمیر یوٹی بھر میں تیز تر ترقیاتی سرگرمیوں کے لئے حکومت کی کوششوں کا بھی اِشتراک کیا۔اُنہوں نے کہا ،’’ جموںوکشمیر یوٹی کے بہت سے شہر اور قصبے آج ہمہ جہتی ترقی کا مظاہرہ کر رہے ہیں۔ ہم نے منافع خوروں ، دہشت گردوں ، علیحدگی پسندوں کے ماحولیاتی نظام کو ختم کیا ہے اور تمام طبقات میں اَمن ، خوشحالی اور تیز ترترقی کی شدید خواہش ہے۔‘‘لیفٹیننٹ گورنر منوج سِنہا نے لوگوں سے سماج میں تفرقہ پھیلانے والے عناصر کے خلاف چوکنا رہنے کی اپیل کی۔ اُنہوں نے مزید کہاکہ عوامی اَملاک اور ٹھوس ثقافتی ورثے کی حفاظت کرنا بھی ہر شہری کا فرض ہے۔اُنہوں نے عوامی نمائندوں کی طرف سے پیش کئے گئے مطالبات کا جوا ب دیتے ہوئے یقین دِلایا کہ حکومت حقیقی مطالبات کو حل کرنے کے لئے ہر ممکن اِمکانات کا جائزہ لے گی۔چیئرپرسن ڈی ڈی سی بارہمولہ محترمہ سفینہ بیگ اور صدر میونسپل کونسل سوپور محترمہ مسرت کار نے لیفٹیننٹ گورنر کی زیر قیادت یوٹی اِنتظامیہ کا بالخصوص بارہمولہ اور سوپور کی ترقی پر خصوصی توجہ دینے پر شکریہ اَدا کیا۔لیفٹیننٹ گورنر آج جن پروجیکٹوں کا اِفتتاح کیا اُن پروجیکٹوں میں ایم سی سوپور کا آفس کمپلیکس جس کی مالیت 1.96کروڑ روپے ہے ، ایم سی سوپور کے چنکی پورہ وارڈ میں 40 لاکھ روپے کی لاگت سے پارک کی ترقی ، مہراج پورہ میں پبلک پارک 53.27 لاکھ روپے کی لاگت سے ، ایک کروڑروپے کی لاگت سے بائی پاس برج اپراشپیر کے قریب اوپن ائیرجم پارک اور ووہلوترا شٹلو روڈ کی اَپ گریڈیشن بشمول ووہلوترا آرکھر واری والنواری ڈونواری روڈ پر 6.50کروڑ روپے کی لاگت سے منسلک لنک شامل ہیں۔لیفٹیننٹ گورنر نے مختلف سکیموں کے تحت اِستفادہ کنند گان میں منظوری نامے بھی تقسیم کئے۔ اِس موقعہ پر چیف سیکرٹری ڈاکٹر ارون کمار مہتا ، اے ڈی جی پی کشمیر وِجے کمار، صوبائی کمشنر کشمیر وِجے کمار بدھوری ، ضلع ترقیاتی کمشنر بارہمولہ ڈاکٹر سیّد سحرش اَصغر ، سینئر اَفسران ، عوامی نمائندے اور بڑی تعداد میں لوگ موجود تھے۔
