افتخار حسین شاہ
سرنکوٹ؍؍تحصیلدار سرنکوٹ روہت شرما نے تحصیل سرنکوٹ کے دوردراز علاقوں میں کیمپ لگا کر لوگوں کو مختلف قسم کی سرٹیفکیٹ جاری کیں۔موڑہ بچھائی جو ایک پسماندہ علاقہ ہے اور لوگوں کو سٹیٹ سبجیکٹ کاسٹ سرٹیفکیٹ انکم سرٹیفکیٹ اور دیگر زمینوں کے ریکارڈ وغیرہ کے لئے تحصیلدار آفس سرنکوٹ آنا پڑتا ہے۔ تا ہم تحصیلدار سرنکوٹ روہت شرما نے لوگوں کو سہولت فراہم کرتے ہوئے لسانہ اور موڑہ بچھائی میں کیمپ لگا کر لوگوں کو سرٹیفکیٹ جاری کی۔اس موقعہ پر لوگوں نے تحصیلدار سرنکوٹ کی سراہنا کی اور کہا کہ تحصیلدار ایک قابل آفیسر ہیں اور انہیں امید ہے کہ مستقبل میں بھی اس قسم کے اقدامات کی کئے جائیں گے۔کیمپ میں آئے لوگوں نے کہا کہ اس قسم کے کیمپوں سے انھیں کافی حد تک سہولت فراہم ہوئی ہے۔
