ساج راجوری میں خواتین کو بااختیار بنانے پر لیکچرمنعقد
لازوال ڈیسک
راجوری؍؍زمانہ قدیم سے خواتین معاشرے کی مجموعی ترقی اور ملک کو مستقبل کی شان میں لے جانے میں کلیدی رکن رہی ہیں۔ لڑکیوں کے لیے حکومت کی فلاحی اسکیموں کے بارے میں بیداری پیدا کرنے کی کوششوں میں، ہندوستانی فوج نے راجوری ضلع کے گورنمنٹ ہائر سیکنڈری اسکول ساج میں ‘بیٹی بچاؤ، بیٹی پڑھاؤ’ پر ایک لیکچر کا اہتمام کیا۔وہیں لیکچر کا زور خواتین کی اہمیت کو سمجھنا اور انہیں مساوی حقوق اور مساوی مواقع فراہم کرنا تھا، نہ صرف کیریئر کی ترقی کے لحاظ سے بلکہ شخصیت کی نشوونما میں بھی۔
واضح رہے معاشرے کی مجموعی ترقی خواتین کو فراہم کردہ مواقع کے برابر ہے۔اس موقع پر مرکزی حکومت کے مختلف پروگراموں کے بارے میں جو بنیادی طور پر ‘بیٹی بچاؤ، بیٹی پڑھاؤ’ پر توجہ مرکوز کرتے ہیں، حاضرین کو آگاہ کیا گیا۔اس دوران عالمی میدان میں انمٹ نقوش چھوڑنے والی ہندوستان کی نامور خواتین کے کارناموں پر بھی روشنی ڈالی گئی۔تاہم آگاہی مہم نے طلباء کی حوصلہ افزائی کی کہ وہ معاشرے کے خود مختار اور پراعتماد رکن بننے کے لیے بہترین کارکردگی کے لیے جدوجہد کریں۔
