لازوال ڈیسک
جموں؍؍ ہندوستانی فوج نے ضلع راجوری (جے اینڈ کے) کے دھر میں سابق فوجیوں کے ساتھ ایک بات چیت کا اہتمام کیا تاکہ صحت، تعلیم، روزگار اور ذاتی دستاویزات سے متعلق مختلف امور پر تبادلہ خیال کیا جا سکے۔ فورم نے معاشرے کی ترقی میں سابق فوجیوں کے اہم کردار پر بھی تبادلہ خیال کیا اور نوجوانوں کو قومی دھارے کی پیروی کرنے اور نشے اور دیگر سماجی برائیوں کا شکار نہ ہونے کی ترغیب دی۔ تازہ ترین حکومتی پالیسیوں، قبل از بھرتی کی تربیت اور داخلہ امتحان کی کوچنگز میں شامل انتظامات اور آنے والے مہینوں میں منصوبہ بندی کے بارے میں بھی اجتماع کو بتایا گیا۔ سابق فوجیوں نے جب بھی ضرورت پڑی عوام کی مدد کرنے اور خطے میں امن اور خوشحالی کے مفاد میں کام کرنے کے لئے ہندوستانی فوج کی کوششوں کو سراہا۔
