ادارہ معیاری تعلیم فراہم کرنے اور طلباء کو IELTS امتحان کے لیے تیار کرے گا
لازوال ڈیسک
جموں؍؍سابق ڈپٹی میئر جموں اور بی جے پی کے سینئر لیڈر بلدیو سنگھ بلوریا نے آج یہاں کنجوانی میں آر ایس پورہ جموںجنوبی حلقہ میں سیویئر ایجوکیشن،ابراڈIELTS اورویزا کنسلٹینسی انسٹیچوٹ کا افتتاح کیا۔ وہیںسابق ڈپٹی میئر جموں اور بی جے پی کے سینئر لیڈر بلدیو سنگھ بلوریا مہمان خصوصی تھے جبکہ معروف یوٹیوبر سنیم پنڈوہ اور اسنپکٹرجسوندر سنگھ (ایس ایچ او گنگیال) مہمان ذی وقار تھے۔
اس تقریب میں جموں کے ممتاز شہریوں نے شرکت کی اور جموں کے اداکار وویک سنگوترا نے اس کی نظامت کی۔ یہ ادارہ معیاری تعلیم فراہم کرنے اور طلباء کو بین الاقوامی انگلش لینگویج ٹیسٹنگ سسٹم (IELTS) امتحان کے لیے تیار کرنے کے لیے وقف ہے۔تاہم انسٹی ٹیوٹ مختلف قسم کے کورسز پیش کرے گا۔اس موقع پر اظہار خیال کرتے ہوئے جموں کے سابق ڈپٹی میئر بلدیو سنگھ بلوریا نے ابراڈایجوکیشن کے مالک اور منیجنگ ڈائریکٹر متیش ملہوترا کی جموں کو ایک متحرک شہر بنانے کی کوششوں کا خیر مقدم کیا۔
بلوریا نے کہا کہ ان کا ماننا ہے کہ جموں کے نوجوانوں کو معیاری تعلیم اور تربیت تک رسائی حاصل ہونی چاہیے جو انہیں مستقبل میں روزگار کے مواقع کے لیے تیار کرے گی۔ سابق ڈپٹی میئر نے جموں کو خوبصورت بنانے اور شہر کے نوجوانوں کو ہنر مند اپ گریڈیشن فراہم کرنے کے عزم کا اظہار کیا ہے۔وہیںیوٹیوبر سنیم پنڈوہ نے ایسی پہل کرنے اور لوگوں کو مزید روزگار فراہم کرنے کے لیے سیویئر ابراڈایجوکیشن کے مالک اور مینیجنگ ڈائریکٹر میتیش ملہوترا کی کاوشوں کو سراہا۔
