برفانی قہر ،جواہر ٹنل کے مقام سے ایک اور پولیس اہلکار کی لاش بر آمد

سرکار کی جانب سے مہلوکین کے لواحقین میںفی کس5لاکھ روپئے واگزار
شاہ ہلال
اننت ناگ//جواہر ٹنل پر بھاری برفانی تودہ گر آنے کے نتیجے میں زندہ دفن ہوئے افراد میں سے آٹھویں فرد کی لاش ہفتہ کو بر آمد کی گئی ۔جموں سرینگر شاہراہ پر واقع جواہر ٹنل کے قریب جمعرات شام کوبھاری بھر کم برفانی تودے کی زد میں آکر زندہ دفن ہونے والے افراد میں سے آٹھویں فرد کی لاش ہفتہ کے روز بر آمد کی گئی ۔جہاںمہلوک شخص کی شناخت سلیکشن گریڈ کانسٹبل پرویز احمد ساکنہ آرم پورہ گاندربل کے طور پرہوئی ہے اور اس طرح برفانی تودے کی زد میں آنے والے افراد کی تعداد 8تک پہنچ گئی ہے ۔جن میں 4پولیس اہلکار، 2فائر سروس اہلکار اور 2قیدی شامل ہیں جبکہ بچاﺅ کاروائی کے دوران جمعہ کے روز2پولیس اہلکاروں کو زندہ بر آمد کیا گیا تھا۔اس بیچ سرکار نے تباہ کُن برف باری میں ہلاک ہوئے افراد میں فی کس5لاکھ روپئے ایکس گریشا ردینے کا اعلان کیا ہے ۔