مسلم تارکین وطن سے متعلق مسائل پر تبادلہ خیال کیا ،ریلیف واگزار کرنے کا مطالبہ کیا
لازوال ڈیسک
جموں؍؍آل کشمیری مسلم مائیگرنٹ کمیٹی نے آج جموں و کشمیر کے نئے کمشنر ریلیف ڈاکٹر اروند کاروانی کے ساتھ ایک میٹنگ میں مسلم تارکین وطن سے متعلق مسائل پر تبادلہ خیال کیا جس میں سب سے بڑا مسئلہ مسلم تارکین وطن کی نقد امداد کاواگزار ہوناتھا جو اچانک کسی حکومتی حکم کے بغیر روک دی گئی ہے۔
وہیں ریلیف کمشنر ڈاکٹر اروند کاروانی نے اے کے ایم ایم سی کے وفد کو یقین دلایا کہ وہ ان کی حمایت کریں گے اور رجسٹرڈ مسلم مہاجرین سے متعلق تمام مسائل کو حل کریں گے۔تاہم سماعت کے دوران کمشنر ریلیف نے مہاجرین کے مسائل کو تحمل سیسماعت کیااور ایک ہفتے کے اندر اندر رجسٹرڈ مسلم تارکین وطن کے حق میں نقد ریلیف کے اجراء کی یقین دہانی کرائی۔
اس موقع پرعدالت کی ہدایات کے بعد، آل مسلم مائیگرنٹس ایسوسی ایشن نے ریلیف کی فوری واگزاری کے لیے ہائی کورٹ کے فیصلے پر عمل درآمد کے لیے کمشنر ریلیف کی طرف سے دیے گئے اشارے کی تعریف کی۔اس موقع پرنذیر احمد لون چیئرمین ،فدا حسین ، ساجد احمد ، غضنفر حسن اور سجاد احمد کھٹانہ دیگر موجود تھے۔
