قومی تعلیمی پالیسی 2020 کا مقصد ہندوستان کے بہت سے بڑھتے ہوئے ترقیاتی تقاضوں کو حل کرنا ہے:پروفیسر بی ایس سہائے
لازوال ڈیسک
جموں؍؍انڈین انسٹی ٹیوٹ آف مینجمنٹ (IIM) جموں نے پریس انفارمیشن بیورو (PIB) کے ساتھ ساتھ انڈین انسٹی ٹیوٹ آف ٹیکنالوجی (IIT) جموں کے ساتھ مل کر ’’این ای پی 2020-کو نافذ کرنے کے لیے اسٹریٹجک ایکشن پلان‘‘ پر ایک پریس کانفرنس کا اہتمام کیا۔ اس پروگرام کی میزبانی انڈین انسٹی ٹیوٹ آف مینجمنٹ (IIM) جموں نے 26 جولائی 2023 کو کینال روڈ میں واقع اپنے پرانے ٹرانزٹ کیمپس میں کی تھی۔تقریب میں پروفیسر بی ایس سہائے، ڈائریکٹر، آئی آئی ایم جموں ،پروفیسر منوج سنگھ گوڑ، ڈائریکٹر، انڈین انسٹی ٹیوٹ آف ٹیکنالوجی (آئی آئی ٹی)، جموں، شری امیت کمار، اسسٹنٹ کمشنر کے وی جموں، غلام عباس، جوائنٹ ڈائریکٹر پی آئی بی اور سی بی سی جے اینڈکے لداخ،وویک پاٹھک، اسسٹنٹ ڈائریکٹر ڈی ڈی، اور میڈیا اینڈ کمیونیکیشن آفیسر، پی آئی بی جموں، مدثر امین نے شرکت کی۔ اس موقع پر خطاب کرتے ہوئے ڈائریکٹر انڈین انسٹی ٹیوٹ آف منیجمنٹ (IIM) جموں پروفیسر بی ایس سہائے نے کہا، قومی تعلیمی پالیسی 2020 کا مقصد ہندوستان کے بہت سے بڑھتے ہوئے ترقیاتی تقاضوں کو حل کرنا ہے اور ایک جامع تعلیمی ماحول پیدا کرنے پر زور دیا جا رہا ہے۔ انہوں نے مزید بتایا کہ این ای پی۔2020میں، طلباء کو مطالعہ کے لیے زیادہ لچک اور مضامین کا انتخاب دیا جاتا ہے، جس سے 21ویں صدی کی مہارتوں سے لیس ایک جامع اور بہترین فرد کی تخلیق ہوتی ہے۔ این ای پی۔2020،اکیسویں صدی کی تعلیم کے خواہش مند اہداف کے ساتھ ہم آہنگ ایک نیا نظام بنائے گا اور ہر فرد کی تخلیقی صلاحیت کی نشوونما پر خاص زور دے رہا ہے۔انہوں نے مزید کہا کہ جموں ہندوستان کا واحد خطہ ہے جس کے یہاں تین باوقار ادارے موجود ہیں جو این ای پی۔2020کے آغاز کے ساتھ ہی مختلف شعبوں میں بین ادارہ جاتی رابطے جیسے کہ ڈوئل ڈگری پروگرام (B.Tech. اور MBA)۔ IIT جموں، AIIMS جموں اور IIT جموں کے ساتھ ہیلتھ کیئر اور ہیلتھ ایڈمنسٹریشن میں MBA اور انڈین انسٹی ٹیوٹ آف کارپوریٹ افیئرز، گروگرام کے ساتھ کارپوریٹ امور اور انتظام میں ایگزیکٹو MBA شروع کرنے میں کامیاب ہوئے ہیں ۔پروفیسر منوج سنگھ گوڑ، ڈائریکٹر، انڈین انسٹی ٹیوٹ آف ٹیکنالوجی (IIT) جموں نے میڈیا کے ساتھ بات چیت کرتے ہوئے کہا،این ای پی۔2020تعلیم کو جامع، سستی، قابل رسائی، اور سب کے لیے مساوی بنانے والا ایک بہترین اور جامع دستاویز ہے۔ این ای پی۔2020کے آغاز اور اس کی طرف سے فراہم کردہ لچک کے ساتھ، اور بی۔ ٹیک کے طالب علم جس نے اپنے 6 سمسٹر مکمل کیے ہیں، مطلوبہ اہلیت کے معیار کو پورا کرنے کے بعد آخری دو سمسٹروں کے لیے IIT جموں میں شامل ہو سکتے ہیں۔ یہ NCRF کے [نیشنل کریڈٹ فریم ورک] اکیڈمک بینک کریٹیریا آف اکیڈمک بینک آف کریڈٹ (ABC) کے ذریعے ہو گا جو کہ اعلیٰ تعلیمی اداروں کے تعلیمی کریڈٹ ڈیٹا بیس کا ڈیجیٹل یا ورچوئل یا آن لائن اسٹور ہاؤس ہے جو سیکھنے والوں کی ہموار نقل و حرکت کے ذریعے لرنر سنٹرک تعلیم کو فروغ دیتا ہے۔انہوں نے مزید کہا کہ آئی آئی ٹی جموں میں مرکز برائے ضروری مہارت (سی ای ایس) آئی آئی ٹی جموں سے باہر کے لوگوں کو فنانس، ٹکنالوجی، سافٹ سکلز، اور زبان اور زندگی کی مہارتوں کے ساتھ تربیت دیتا رہتا ہے اور اب تک، سی ای ایس نے 6000 سے زیادہ افراد کو فائدہ پہنچایا ہے۔ پورے خطے سے اور انہوں نے تازہ ترین پیشرفت کے بارے میں بھی بتایا کہ شرد صراف سنٹر برائے آیوروید اور انڈک اسٹڈیز کا قیام ہے جو ٹیچنگ، ٹریننگ، ریسرچ، تعاون اور بیداری کے پروگراموں کے ذریعے ہندوستانی نالج سسٹم کو فروغ دینے کے این ای پی۔2020کے وژن کے مطابق ہے۔ انہوں نے اس بات کا اعادہ کیا کہ اس سے ہندوستانی علمی نظام کے ذخیرے کی تخلیق میں بھی مدد ملے گی۔
