بنیادی تربیت کے علاوہ حادثات کی دیکھ بھال سے بھی آگا ہ کیاگیا
لازوال ڈیسک
ڈوڈہ// اسٹیٹ ڈیزاسٹر ریسپانس فورس نے آج یہاں اسر میں الخیر این جی او کے رضاکاروں کو تربیت فراہم کی۔جبکہ یہ تربیتی نشست دریائے چناب کے کنارے جٹھی کے قریب گہری کھائی میں ہوئی۔وہیںاس اقدام کی ہدایت ڈپٹی کمشنر ہرویندر سنگھ نے دی تھی ۔اس دوارن 25 ٹرینیز کو چڑھنے، ریپلنگ کے عملی پہلوؤں اور روایتی طریقوں کی کمی کے وقت زپ وائر کے طریقہ کار کا استعمال کرتے ہوئے گہری گھاٹیوں سے لاشیں اٹھانے کے پیچیدہ کام کی ہدایت دی گئی۔اس تربیت میں چڑھنے اور ریپلنگ کی حکمت عملیوں کے جامع اسباق شامل تھے،وہیں ان مشقوں کے لیے ضروری آلات کو استعمال کرنے پر توجہ دی گئی تھی۔ زپ وائر کے طریقہ کار پر خصوصی توجہ دی گئی، جو کہ چیلنجنگ خطوں سے جانی نقصانات کو نکالنے کا ایک جدید طریقہ ہے۔وہیں سیشن نے نہ صرف رضاکاروں کو ضروری مہارتوں سے آراستہ کیا بلکہ ان حالات میں ان تکنیکوں کی اہمیت کو بھی اجاگر کیا جہاں روایتی طریقے ناکافی ثابت ہوتے ہیں۔بنیادی تربیت کے علاوہ حادثات کی دیکھ بھال اور روڈ سیفٹی کے اقدامات پر بھی زور دیا گیا۔روڈ سیفٹی میں احتیاطی تدابیر کی اہم ضرورت کو تسلیم کرتے ہوئے، شرکاء کو حادثات سے بچنے اور ان کے اثرات کو کم کرنے کی حکمت عملیوں کے بارے میں بتایا گیا۔ حادثات پر فوری اور موثر ردعمل کی اہمیت کے ساتھ ساتھ سڑک کی حفاظت کے رہنما خطوط پر عمل کرنے کی اہمیت کو پوری ٹریننگ کے دوران اجاگر کیا گیا۔؎
