بیسٹ آؤٹ آف ویسٹ کے موضوع پر ایک مقابلے کا انعقاد ،لج کیمپس کی بیوٹیفیکیشن اور کئی اہم سرگرمیوں کا ہوا انعقاد
لازوال ڈیسک
جموں؍؍ایس پی ایم آر کالج آف کامرس نے 15 اگست سے 22 اگست 2023 تک قوم کے لیے ایک ہفتہ ’’راشٹر کے نام پریوارن سپتاہ‘‘ منایا۔ان تقریبات کے دوران کالج میں مختلف ماحولیاتی سرگرمیوں کا انعقاد کیا گیا جس میں طلباء اور فیکلٹی ممبران نے جوش و خروش سے حصہ لیا۔وہیںہفتہ بھر کے پروگرام کا آغاز 15 اگست یوم آزادی پر قومی پرچم لہرانے سے ہوا جس کے بعد شجرکاری مہم اور ثقافتی پروگرام کا انعقاد کیا گیا۔وہیں16 اگست 2023 کوماحول کی حفاظت کریں، انسانیت کی حفاظت کریں کے عنوان پر پوسٹر سازی اور نعرہ لکھنے کے مقابلے کا انعقاد کیا گیا۔دریں اثنائ17 اگست 2023 کو بیسٹ آؤٹ آف ویسٹ کے موضوع پر ایک مقابلے کا انعقاد کیا گیا جس میں طلباء نے پلاسٹک کی فضلہ کی بوتلوں سے پھولوں کے گلدان اور ایکو برکس جیسی خوبصورت اور مفید اشیاء تیار کیں۔وہیںطلباء کو 18 اگست 2023 کو ایک فلم دکھائی گئی۔تاہم جو سرگرمی 19 اگست 2023 کو کی گئی تھی وہ کالج کیمپس کی بیوٹیفیکیشن تھی جس میں ربڑ کے ناکارہ ٹائروں سے خوبصورت جھولے بنائے گئے تھے۔وہیںہفتہ بھر جاری رہنے والی اس تقریب کا اختتام 21 اگست 2023 کو ہوا۔ پروگرام کا اختتام کالج کیمپس میں شجر کاری مہم کے ذریعے ہوا۔اس دوران کالج کے پرنسپل اور سینئر فیکلٹی ممبران نے پودے لگائے۔ وہیںکالج کے پرنسپل ڈاکٹر سریندر کمار نے ہفتہ بھر کے پروگرام کے انعقاد کے لیے منتظمین کی کوششوں کو سراہا۔ انہوں نے اس حقیقت پر زور دیا کہ اس طرح کی سرگرمیاں طلباء میں ماحولیاتی شعور کو فروغ دینے میں اہم کردار ادا کرتی ہیں۔
