ڈی سی ،ڈی ای او کرگل نے پہلی بار ووٹروں کیلئے سویپ ویڈیو کا آغاز کیا
لازوال ڈیسک
کرگل//لوک سبھا انتخابات 2024 کیلئے جاری سویپ سرگرمیوں کے ایک حصے کے طور پر، ڈپٹی کمشنر،ضلع الیکشن آفیسر، کرگل، شری کانت سوسے نے آج پہلی بار ووٹروں کے لیے ‘اپنے امیدوار کو جانیں’ اور سویپ ویڈیو سے متعلق بیداری کے ویڈیو لانچ کیے ہیں۔ڈی ای او کرگل نے کرگل کے پہلی بار ووٹروں سے اپیل کی ہے کہ وہ لوک سبھا عام انتخابات 2024 میں زیادہ سے زیادہ تعداد میں حصہ لیں اور 20 مئی 2024 کو ووٹ دیں اور اس بات پر زور دیتے ہوئے کہا کہ جمہوری جذبے کو بلند رکھنے کے لیے ہر ووٹ اہم ہے۔
وہیںمناسب طور پر، اپنے امیدوار کو جانیں (کے وائی سی) ایپ ایک موبائل ایپلیکیشن ہے جسے الیکشن کمیشن آف انڈیا (ای سی آئی) نے تیار کیا ہے تاکہ شہریوں کو انتخابات میں حصہ لینے والے امیدواروں کے بارے میں جاننے میں مدد ملے۔ایپ اینڈرائیڈ اور آئی او ایس دونوں پلیٹ فارمز پر دستیاب ہے۔ کے وائی سی ایپ کو استعمال کرنے کے لیے، ووٹرز کو نامزدگی کی فہرست دیکھنے کے لیے انتخابی قسم اور اے سی ، پی سی کا نام منتخب کرنا ہوگا یا وہ نام کے ذریعے امیدوار کو تلاش کرسکتے ہیں۔کے وائی سی ایپ شہریوں کے لیے ایک مفید ٹول ہے کہ وہ باخبر فیصلے کر سکیں کہ کس کو ووٹ دینا ہے۔ یہ ایپ انتخابات میں شفافیت اور احتساب کو فروغ دینے میں بھی مدد دے سکتی ہے۔
