لازوال ڈیسک
سرینگر؍؍ اپنی پارٹی کے سربراہ سید محمد الطاف بخاری اور دیگر لیڈران نے پارٹی کے ضلع صدر سرینگر نور محمد شیخ کی نانی کے انتقال پر اظہار تعزیت کیا ہے۔ موصوفہ نورہ بیگم اہلیہ مرحوم خضر محمد بٹ کا انتقال آج مجہ گنڈ سرینگر میں واقع اْن کے گھر پر ہوا۔اپنے تعزیتی پیغام میں سید محمد الطاف بخاری نے کہا، ’’ میں اپنے ساتھی نور محمد شیخ کی نانی کے انتقال پر اْن کے اور سوگوار کْنبے کے دیگر اراکین کے ساتھ اظہار تعزیت کرتا ہوں اور دْعا گو ہوں کہ اللہ تعالیٰ مرحومہ کو جوار رحمت میں جگہ دے اور پسماندگان کو اْن کی جدائی کا صدمہ برداشت کرنے کی ہمت عطا کرے۔‘‘
پارٹی کے جن دیگر رہنماوں نے نور محمد شیخ اور سوگوار کْنبے کے دیگر اراکین کے ساتھ تعزیت کا اظہار کیا ہے، اْن میں پارٹی کے سینئر نائب صدر غلام حسن میر، نائب صدر ظفر اقبال منہاس، جنرل سیکرٹری رفیع احمد میر، صوبائی صدر محمد اشرف میر، چیف کوآرڈی نیٹر عبدالمجید پڈر، ترجمانِ اعلیٰ و ضلع صدر بڈگام منتظر محی الدین، میڈیا ایڈوائزر فاروق اندرابی، صوبائی سیکرٹری و چیئرمین ڈی ڈی سی سرینگر آفتاب ملک، ضلع صدر کپوارہ راجہ منظور، ضلع صدر اننت ناگ عبدالرحیم راتھر، ضلع صدر پلوامہ غلام محمد میر، ضلع یوتھ صدر سرینگر محسن ظفر شاہ، سرینگر ضلع کے سینئر نائب صدر اور حلقہ انتخاب حبہ کدل کے انچارج جیلانی حمید کمار، اور دیگر لیڈران شامل ہیں۔پارٹی رہنماؤں نے دکھ کی اس گھڑی میں نور محمد شیخ اور سوگوار خاندان کے دیگر افراد کے ساتھ یکجہتی کا اظہار کیا۔
