انڈین ریلویز کی ‘‘اسٹارٹ اپس فار ریلوے’’پہل نے زور پکڑا

1251 اداروں نے رجسٹریشن کرایا ،دیئے گئے 23 پروجیکٹوں کی مالیت 43.87 کروڑ روپے
لازوال ڈیسک

نئی دہلی؍؍انڈین ریلوے نے اسٹارٹ اپس اور دیگر اداروں کی شرکت کے ذریعہ اختراع کے میدان میں ایک اہم پہل کی ہے۔ ریلوے کی وزارت نے 13 جون 2022 کو ’’اسٹارٹ اپس فار ریلوے‘‘پہل کا آغاز کیا تھا۔ اس پہل کے حصے کے طور پر، انڈین ریلوے انوویشن پورٹل https://innovation.indianrailways.gov.in/ پر دستیاب ہے۔اس کا مقصد انڈین ریلوے پر آپریشنل کارکردگی اور حفاظت کو بہتر بنانے کے لیے ہندوستانی اسٹارٹ اپس/ ایم ایس ایم ایز/اختراع کاروں/انٹرپرینیورز کے ذریعہ تیار کردہ اختراعی ٹیکنالوجیز کا فائدہ اٹھانا ہے۔ ریلوے کی وزارت کا مقصد انڈین ریلوے کے معیار، بھروسے اور اس کو برقرار رکھنے سے متعلق مسائل کو حل کرنا ہے۔ پالیسی کے تحت، اسٹارٹ اپس/ایم ایس ایم ایز /اختراع کاروں/ انٹرپرینیورز کے پاس پروجیکٹ میں تیار کردہ دانشورانہ املاک کے حقوق (آئی پی آر) کی خصوصی ملکیت ہوگی۔ اس سلسلہ میں دیئے جانے والے 23پروجیکٹوں کی مالیت تقریباً روپے 43.87 کروڑ ہے۔انوویشن پورٹل-پر رجسٹریشن کرانے والے اداروں کی کل تعداد 1251 ہے،جن تفصیل درج ذیل ہے۔اسٹارٹ اپس- 248۰انفرادی اختراع کار- 671۰ایم ایس ایم ایز-142۰آر اینڈ ڈی تنظیمیں/ادارے-58۰پروپرائیٹرشپ/ پارٹنرشپ فرمیں/ کمپنی/ ایل ایل پی /جے وی/کنسورشیم-47۰این جی اوز-19۰دیگر-6۔