کہایہ ہدایت نامہ ہمیں دنیا کا سب سے تیزی سے بڑھتا ہوا ریل نیٹ ورک بننے میں ہماری مدد کرے گا
لازوال ڈیسک
نئی دہلی؍؍ریلوے، مواصلات اور الیکٹرانک اور اطلاعاتی ٹکنالوجی کے مرکزی وزیر اشونی ویشنو نے آج نئی دہلی میں ’انڈین ریلوے کنسٹرکشن مینول، 2023‘ کا اجرا کیا۔ مینوئل کو لانچ کرنے کے بعد اجتماع سے خطاب کرتے ہوئے مرکزی وزیر برائے ریلوے، مواصلات اور الیکٹرانک اور اطلاعاتی ٹیکنالوجی اشونی ویشنو نے کہا کہ ’’یہ تعمیراتی کتابچہ زمین کے حصول، جنگلات کی منظوری، پلوں کی ڈیزائننگ، کنٹریکٹ مینجمنٹ، سرنگوں کی تعمیرات، سڑک فلائی اوور/ پلوں کے نیچے راستے سمیت کئی سرگرمیوں میں مدد کرے گا۔ یہ ہدایت نامہ ہمیں دنیا کا سب سے تیزی سے بڑھتا ہوا ریل نیٹ ورک بننے میں ہماری مدد کرے گا۔اشونی ویشنو نے مزید کہا کہ یہ ایک واقعی خوشی کی بات ہے کہ تعمیراتی کتابچہ اب ایک نئی شکل میں اور ہمارے وقت کے تقاضوں کے مطابق ہے۔ جب سے وزیر اعظم نریندر مودی نے ذمہ داری سنبھالی ہے ‘ریلوے ان کی توجہ کا مرکز رہا ہے جس میں نئے ٹریکس اور اسٹیشنوں کی تعمیر بھی شامل ہے اور اس مشن میں، یہ مینول کلیدی کردار ادا کرے گا کیونکہ اس کا پچھلا ورژن پرانا (تقریباً 1960 کا تھا) اور اب نئی اصلاحات شامل کی گئی ہیں جن میں ای پی سی معاہدے، پلوں کی تعمیر، سگنلنگ، برقی اور نان انٹر لاکنگ کام وغیرہ شامل ہیں۔ انہیں اب نئے مینول کے ذریعے معیاری بنایا گیا ہے۔مرکزی وزیر نے اس ہدایت نامہ کی تیاری میں روپ نارائن شنکر، سابق ممبر (انفراسٹرکچر)، ریلوے بورڈ اور پوری ٹیم کی خدمات کی بھی تعریف کی۔ انڈین ریلوے انسٹی ٹیوٹ آف سول انجینئرنگ اور مختلف زونل ریلوے کے تعمیراتی افسران کی ٹیم نے یہ ہدایت نامہ تیار کیا ہے۔ یہ ہدایت نامہ ہندوستانی ریلوے کی تعمیراتی منصوبوں کو تیز رفتاری سے انجام دینے کے لیے ضروری معلومات سے آراستہ کرنے کی کوششوں میں ایک اہم سنگ میل ہے۔قومی ریل منصوبے کے مطابق ہندوستانی ریلوے کو سال 2030 تک اتنی صلاحیت تیار کرنی ہے جو سال 2050 تک بڑھتی ہوئی مانگ کو پورا کرسکے۔ اس مقصد کو حاصل کرنے کے لیے ہندوستانی ریلویز کو اپنے بنیادی ڈھانچے کی تعمیر کی رفتار کو بڑھانا ہوگا یعنی نہایت اہم اور اہم دونوں طرح کے پروجیکٹوں کو شروع کرنا، نئی لائنوں کی تعمیر؛ گیج کی تبدیلی، ملٹی ٹریکنگ، خودکار سگنلنگ اور ٹریفک سہولت کے کاموں کی تکمیل وغیرہ۔اسی لیے تعمیراتی حکام کی رہنمائی کے لیے ایک مینول کی ضرورت محسوس کی گئی تاکہ کہ تعمیر کے مختلف پہلوؤں کا احاطہ ہو۔ کتابچہ آسان زبان میں تیار کیا گیا ہے تاکہ فیلڈ افسران آسانی سے سمجھ سکیں۔
