برف سے متاثرہ علاقوں میں بجلی اور راشن کو یقینی بنانے کے لیے حکومت پر زور دیا
لازوال ڈیسک
سری نگر؍؍ برف باری اور بارش کے باوجود چیئرمین ڈی پی اے پی غلام نبی آزاد نے سری نگر کے دفتر کا دورہ کیا۔ وہیںآزاد نے فوری طور پر گورنر منوج سنہا سے بجلی اور راشن جیسی ضروری فراہمی کی اپیل کی، اور کمزور کمیونٹیوں پر برف کے دوران اضافی امداد کی ضرورت پر زور دیا۔ انہوں نے کہا،مجھے خوشی ہے کہ برف باری ہوئی ہے کیونکہ لوگ بے تابی سے اس کا انتظار کر رہے تھے۔ تاہم، حکومت کو اس کے اثرات کو دیکھنے کے لیے مناسب انتظامات کو یقینی بنانا چاہیے۔ آزاد نے مختلف وفود سے ملاقات کی، ان کے تحفظات اور شکایات کو غور سے سنا۔ انہوں نے یقین دہانی کرائی کہ وہ ان مسائل کو اٹھائیں گے اور ان کے حل کو یقینی بنائیں گے۔اس کے ساتھ ہی مختلف جماعتوں کے متعدد کارکنان نے پارٹی کو تقویت دینے اور عوامی تحفظات کی وکالت کرنے کا عہد کرتے ہوئے ڈی پی اے پی میں شمولیت اختیار کی۔ان کے عزم سے پارٹی کے مشن کو تقویت ملی۔اس موقع پر محمد امین بھٹ صوبائی صدر، پیر بلال زونل صدر، امیر بھٹ ضلع صدر، شفیق شبنم صوبائی جنرل سیکریٹری، عمر ککرو سابق چیئرمین ایم سی بارہمولہ اور دیگران موجود تھے۔
