کھیلو انڈیا نواجوانوں کو صحیح سمت دکھانے والی ایک سوچ کا نام ہے:اعجاز اسد
کھلاڑیوں کو گراﺅنڈ سے جوڑنا وقت کی ضرورت :طارق خان
سید نیاز شاہ
پونچھ// کالج گراﺅنڈ پونچھ میں شہید منجیت سنگھ والی بال کلب کی جانب سے والی بال لیگ کا افتتاح کیا گیا اس موقعہ پر مہمان خصوصی ضلع ترقیاتی کمشنر پونچھ محمد اعجاز اسد تھے ۔وہیںشہید منجیت سنگھ میموریل والی بال کلب کے چیئرمین طارق خان نے کہا کہ پونچھ کو کھیلو انڈیا کے تحت اچھا پلیٹ فارم مہیا کرنے کے لئے پونچھ لیگ کا انعقاد کیا گیا ہے اس میں ضلع کی 12 ٹیمیں شرکت کررہی ہیں انہوں نے کہا کہ کھیل کا مقصد نوجوانوں کو ایک ایسا پلیٹ فارم مہیا کرنا ہے جس کے ذریعہ وہ اپنی چھپی ہوئی صلاحیتوں کو بروئے کار لاسکیں جب تک بچوں کی صلاحیتیں چھپی رہیں گی وہ اپنے آپ میں ایک بوجھ سا بنا رہتا ہے اس لئے ہماری یہ کوشش ہے کہ وقتا فوقتا ہم ایسی سرگرمیوں کو انجام دیتے رہے تاکہ نوجوانوں کا دھیان اس سمت رہے اس موقعہ پر ضلع ترقیاتی کمشنر پونچھ محمد اعجاز اسد نے کہا کہ مبارکباد کے مستحق ہیں شہید منجیت سنگھ والی بال کلب کے ارکان جنہوں نے اس طرح کی سرگرمیاں منعقد کی ہیں انہوں نے کہا کہ کھیل کا مقصد چھپی صلاحیتوں کو بروئے کار لانا ہے انہوں نے کہا کہ کھیلو انڈیا ایک بڑی سوچ کا نام ہے جس کے ذریعہ نوجوانوں کو ضرورت ہے اپنی ہنر ازمائی کریں۔اس موقعہ اے ایس پی انوار الحق، پردیپ کھنا اور پونچھ کے معززین موجود تھے ۔
