سمستی پور، 25 اگست (یو این آئی) بہار کے دیہی امور کے وزیر اشوک چودھری نے آج کہا کہ ٹریفک کو آسان بنانے کے لیے بہار کے دیہی علاقوں میں تقریباً چھ ہزار کلومیٹر نئی سڑکیں تعمیر کی جائیں گی، جس کے لیے ٹینڈر کا عمل کیا جا رہا ہے۔
اتوار کو سمستی پور پریشد میں صحافیوں سے بات چیت کرتے ہوئے مسٹر چودھری نے کہا کہ پرانی سڑکوں کی تعمیر کے کام کے لیے دیہی تعمیرات کے محکمے کے بجٹ میں اضافہ کرنے کا فیصلہ کیا گیا ہے اور اس کی تجویز جلد ہی کابینہ کی میٹنگ میں رکھی جائے گی۔ انہوں نے کہا کہ مکھیہ منتری سیتو یوجنا، جو 2018 سے بند تھی، دوبارہ شروع کی جائے گی، جس کے تحت ریاست کی دیہی سڑکوں پر 150 میٹر والے تقریباً ایک ہزار پل بھی بنائے جائیں گے۔
اس موقع پر بھارتیہ جنتا پارٹی (بی جے پی) قانون ساز کونسل کے رکن ترون کمار، جنتا دل یونائیٹڈ (جے ڈی یو) کے ضلع صدر درگیش رائے، سٹی جے ڈی یو صدر شکنتلا ورما، جے ڈی یو کے سینئر لیڈر بنارسی ٹھاکر اور جے ڈی یو کے ضلع میڈیا انچارج انس رضوان بھی موجود تھے۔
