ہندوستانی فوج نوجوانوں کے لیے ’ڈرون ٹیکنالوجی اور فلائنگ‘ کی تربیت بھی دے گی
لازوال ڈیسک
اکھنور؍؍فوج نے دہلی کی ایک این جی او ‘لرننگ لنک فاؤنڈیشن’ کے تعاون سے 22 سابق فوجیوں، دو بیواؤں اور مستقبل میں ریٹائر ہونے والے چھ افراد کے لیے ‘سولر پینل ٹیکنیکل کورس’ کا کامیابی سے انعقاد کیا۔ اس کورس کو چار مرحلوں میں نہایت احتیاط سے ترتیب دیا گیا تھا جس میں سولر پینلز کے تمام پہلوؤں کا احاطہ کیا گیا تھا جس کی مدت تین ہفتوں کے لیے ’05 جون سے 25 جون 24′ تک تھی۔وہیں شرکاء کو عملی تربیت دینے کے لیے گورنمنٹ آیورویدک میڈیکل کالج بھی لے جایا گیا۔ اس کورس کی تکمیل پر طلباء کو سرٹیفکیٹ سے نوازا گیا۔
واضح رہے ہندوستانی فوج سابق فوجیوں اور ویر ناریوں کی فلاح و بہبود کے لیے پوری طرح پرعزم ہے اور وہ ان کی مصنوعات بنانے کے لیے پلیٹ فارم، آخری میل تک سپلائی چین لنک اور سولر پینل کے میدان میں ان کے روزگار کے مواقع فراہم کرے گی۔ ہندوستانی فوج مستقبل میں سابق فوجیوں اور جنگی بیواؤں کے زیر کفالت افراد کے لیے بھی اسی طرح کے کورسز کا اہتمام کرے گی۔ ہندوستانی فوج نوجوانوں کے لیے ‘ڈرون ٹیکنالوجی اور فلائنگ’ کی تربیت بھی دے گی۔ جی او سی، کراس سوارڈ ڈوژن نے اجتماع سے خطاب کیا اور کورس کے کامیاب انعقاد پر ‘لرننگ لنک فاؤنڈیشن اور ان کی ٹیم’ کا شکریہ ادا کیا۔
