کہامضبوط فیصلہ کن حکمرانی کے ساتھ مرکزی وزیر داخلہ نے جموں و کشمیر میں امن و استحکام کو یقینی بنایا ہے
لازوال ڈیسک
جموں؍؍بھاجپا جموں وکشمیر کے صدر رویندر رینا نے اپنے ایک بیان میں کہا کہ مرکزی وزیر داخلہ امت شاہ 16 اپریل 2024 کو پلوڑہ کے منہاس مہاسبھا گراؤنڈ میں ایک میگا ریلی سے خطاب کریں گے۔واضح رہے یہ معلومات رویندر رینا، صدر، بھارتیہ جنتا پارٹی، جموں و کشمیر نے پارٹی رہنماؤں کے ساتھ اس وقت شیئر کی جب وہ منہاس مہاسبھا گراؤنڈ، پلوڑہ، جموں میں جلسہ گاہ کو حتمی شکل دینے اور عوام کی سہولت کے لیے مناسب انتظامات کرنے اور وہاں بنیادی سہولیات کی فراہمی کا جائزہ لینے پہنچے۔
اس موقع پررویندر رینا کے ساتھ وبود ھ گپتا، جنرل سکریٹری، بھارت بھوشن، چیئرپرسن ڈی ڈی سی، پون شرما، انچارج وستراک یوجنا، سنجے بارو، سینئر لیڈر، اومی کھجوریا، ضلع صدر، شیو دیو سنگھ، سابق ایم ایل اے، پردومن سنگھ، دل بہادر جموال بھی تھے۔وہیںپارٹی کے ساتھیوں کے ساتھ بات کرتے ہوئے، رویندر رینا نے اشتراک کیا کہ مرکزی وزیر داخلہ امت شاہ بی جے پی کے ایم پی امیدوار جگل کشور شرما کے لیے ووٹ مانگنے کے لیے ریلی سے خطاب کرنے کے لیے جموں کا دورہ کریں گے۔ انہوں نے کہا کہ مضبوط فیصلہ کن حکمرانی کے ساتھ مرکزی وزیر داخلہ نے جموں و کشمیر میں امن و استحکام کو یقینی بنایا ہے۔
