دفعہ35اے جموں ،کشمیر اور لداخ کی عوام میں ایک شناخت بخشتا ہے:عمر عبداللہ
پرہلاد سنگھ
- کالاکوٹ؍؍نیشنل کانفرنس کی جانب سے دفعہ35اے متعلق شروع کی گئی مہم اور راجوری پونچھ میں پانچ روزہ دورے پرآج ریاست کے سابق وزیر اعلیٰ عمر عبداللہ نے کالاکوٹ میں پارٹی کارکنان اور عوام سے ایک خطاب کے دوران بھاجپا اور پی ڈی پی کو عوام کومذہبی بنیادوں پر منقسم کرنے کو بند کرنے کی تلقین کرتے ہوئے کہا کہ عوام کو یکجا کرنا وقت کی ضرورت ہے ۔موصوف نے کہا کہ جب وادی اور جموں کے مابین دوریاں پیدہ ہو رہی تھی تب نیشنل کانفرنس نے دونوں خطوں میں ایک پل کے طور پر کام کیا اور نیشنل کانفرنس نے ہمیشہ بھائی چارہ قائم رکھنے کیلئے کام کیا ہے ۔اس دوران عمر عبداللہ نے شیر کشمیر شیخ محمد عبداللہ کو یاد کرتے ہوئے کہا کہ وہ ہمیشہ کہتے تھے کہ مرکز میں کچھ ایسے عناصر بھی ہیں جو ریاست کو منقسم کرنے کے حق میں ہیں تاکہ ریاست میں ایک آواز کے بجائے مختلف آوازیں ہوں جس کی مثال دیتے ہوئے عمر عبداللہ نے پی ڈی پی آمد کو کہا ۔موصوف نے دفعہ 35 اے پر اپنے خیالات کرتے ہوئے اس سے ریاست میں ہونے والے اثرات پر بات کی اور کہا کہ 35اے جموں ،کشمیر اور لداخ کی عوام میں ایک شناخت بخشتا ہے ۔اسی سلسلہ میں سابق ایم ایل اے کالاکوٹ ٹھاکر رچھپال سنگھ نے عوامی مشکلات سے سامنے لایا اور کہا کہ سرکار کی ناکامی کی وجہ دے عوام مشکلات سے دو چار ہے اور ترقی کے سارے کام کاج رک چکے ہیں جس سے عوام بنیادی سہولیات سے در کنار ہوتی جا رہی ہے ۔تقریب میں صوبائی صدر نیشنل کانفرنس دویندرسنگھ رانا،اعجاز جان،بھوشن اُپل ،یشوردھن سنگھ،روہیت بالی،جلال چوہدری و دیگران موجود تھے۔
