افتتاحی تقریب میں مہمانوں کا خطاب: ’فٹ ویئر سیکٹر معیشت میں اہم کردار ادا کر رہا ہے‘
پہلے دن 5722 وزیٹرز اور 1740 رجسٹرڈ بزنس وزیٹرز نے شرکت کی
لازوال ویب ڈیسک
آگرہ(Azhar Umri) فٹ ویئر کمپوننٹس اور مشینری کی جدید دنیا، جہاں بھارتی جوتے اپنی جدید ترین ٹیکنالوجی اور معیار کے ذریعے عالمی سطح پر قائدانہ پوزیشن حاصل کرنے کی راہ پر گامزن ہیں، ایسی حوصلہ افزا باتوں کے درمیان ایفمیک نے آج آگرہ ٹریڈ سینٹر میں ’میٹ ایٹ آگرا‘ کے 16ویں ایڈیشن کا افتتاح کیا۔ اس افتتاحی تقریب میں آگرا ٹریڈ سینٹر پر لٹیل انڈسٹری کارپوریشن کے چیئرمین راکیش گرگ، لیڈر سیکٹر اسکل کونسل کے چیئرمین مختارالامین، پرنسپل کمشنر انکم ٹیکس ایس نیئر علی نظمی، اسٹیٹ جی ایس ٹی کے ایڈیشنل کمشنر ماروتی شرن چوبے، جوائنٹ کمشنر انڈسٹری انوج کمار، ایم ایس ایم ای کے جوائنٹ ڈائرکٹر آر کے بھارتی اور ایفمیک کے صدر پورن ڈاؤر، فیئیر آرگنائزنگ کمیٹی کے چیئرمین گوپال گپتا نے مشترکہ طور پر اس کا افتتاح کیا۔
https://agratradecentre.com/
افتتاح کے موقع پر اپنے خطاب میں لٹل انڈسٹری کارپوریشن کے چیئرمین راکیش گرگ نے کہا کہ ہمارے ملک میں لٹیل انڈسٹری ہمیشہ سے اقتصادی ترقی کا ایک اہم حصہ رہی ہے۔ اس طرح کے پروگرام نہ صرف صنعتوں کو ایک پلیٹ فارم فراہم کرتے ہیں بلکہ ان میں جدیدیت، ترقی اور مہارت کی تعمیر میں بھی معاون ثابت ہوتے ہیں۔ لٹیل انڈسٹری کارپوریشن اس سمت میں حکومت کی اسکیموں کو نافذ کرنے میں سرگرم ہے۔ ہمیں یہ سمجھنا ہوگا کہ اگر صنعتوں کی ترقی ہوگی تو ملک کی مجموعی ترقی ممکن ہو گی۔
لیڈر سیکٹر اسکل کونسل کے چیئرمین مختارالامین نے کہا کہ "میٹ ایٹ آگرا” نے اپنے مقصد میں مسلسل کامیابیاں حاصل کی ہیں۔ خوشی کی بات ہے کہ جب یہ ایونٹ شروع ہوا تھا تو اس کا دائرہ مقامی تھا، پھر قومی سطح پر آیا، اور اب یہ بین الاقوامی سطح پر تبدیل ہو گیا ہے۔”
ایفمیک کے صدر پورن داؤر نے کہا، "کمپوننٹس کے لحاظ سے ہمیں جوتوں کی صنعت کو مزید مضبوط کرنا ہوگا۔ ہمیں اپنی پیداوار کی صلاحیت اور معیار دونوں کو بڑھانا ہوگا۔ آج ہمارے ملک میں اس سمت میں بڑے پیمانے پر کوششیں ہو رہی ہیں، اور آگرا بھی اس میں پیچھے نہیں ہے۔ یہاں کی پیداوار بین الاقوامی معیار کے مطابق ہو رہی ہے۔” انہوں نے مزید کہا، "ہمارا مقصد صرف 5% یا 10% کی ترقی نہیں ہونا چاہیے، ہمیں اس سے کہیں بڑا ہدف مقرر کرنا ہوگا۔ ہمیں صرف چمڑے کے جوتے بنانے تک محدود نہیں رہنا ہے، ہمیں اسپورٹس شوز، اسنیکرز، ایتھلیٹک شوز، اور خاص قسم کے اسپورٹس شوز جیسے فٹ بال، گولف، کرکٹ وغیرہ کے متبادل تیار کرنے ہوں گے۔ ساتھ ہی سیفٹی شوز اور دیگر متعلقہ مصنوعات کی بھی بڑھتی ہوئی طلب ہے۔”
قابل ذکر ہے کہ اس سال میٹ ایٹ آگرا میں تقریباً 35 ممالک کے نمائندے شریک ہو رہے ہیں، جن میں تائیوان، جرمنی، برازیل، اسپین، اٹلی، چین اور برطانیہ جیسے ممالک کے خصوصی نمائندہ وفد شامل ہیں۔ افتتاح کے موقع پر، تائیوان کے نمائندہ وفد نے اپنے ساتھ لائے گئے ‘شکریہ کے بینر کو دکھاتے ہوئے بھارت اور ایفمیک کا شکریہ ادا کیا۔
گزشتہ سال کے ٹرن اوور کے بنیاد پر پانچ گروپوں کو "ایکسسیلنس ایوارڈ” سے نوازا گیا جنہوں نے اپنے شعبے میں غیر معمولی کامیابیاں حاصل کیں، جس سے صنعت میں مسابقت اور معیار کو فروغ ملا۔
وہیںپہلے دن صبح سے لے کر شام تک وزیٹرز کا سلسلہ جاری رہا۔ نہ صرف فیکٹری مالکان نے اس ایونٹ میں شرکت کی بلکہ مستقبل کے کاروباری افراد نے بھی اس نمائش میں حصہ لیا۔ ایسا لگ رہا تھا کہ اس ایونٹ میں شرکت کرنے کا موقع صنعت سے وابستہ کوئی بھی کاروباری شخص ضائع نہیں کرنا چاہتا تھا۔
اس موقع پر ایفمیک کے کنوینر کیپٹن اے ایس رانا، جنرل سیکریٹری راجیش سہگل، سینئر وائس پریزیڈنٹ یش سہگل، ایفمیک کے سیکریٹری لالیت اراورا، پردیپ وسان، سدھیر گپتا، سی ایل ای کے اسسٹنٹ ڈائریکٹر آر کے شہلا، ای ایف کوما کے صدر سنجے گپتا، جنرل سیکریٹری دیپک منچندا، ایف اے ایف ایم کے صدر کلدیپ سنگھ کوہلی، اوپنڈر سنگھ لوولی، پردیپ وسان اور دیگر اہم شخصیات موجود تھیں۔
