کہا ملازمت کریں یا نجی کاروبار ،غیر حاضر اورکوتاہی کرنے والو کے خلاف کاروائی کی جائے گی
ریاض ملک
پونچھ؍؍ایم ایل اے حویلی اعجاز احمد جان نے اچانک ضلع ہسپتال پونچھ کا دورہ کیا۔ اس دوران انہوں نے ہسپتال میں کچھ غیر حاضر ملازمین کے حوالے سے معلومات حاصل کرنے کے بعد تمام سرکاری ملازمین کو متنبہ کیا کہ سرکاری ملازم کو پرائیویٹ کاروبار چلانے کی اجازت نہیں ہے
اور نہ ہی اسے پارٹ ٹائم یا کل وقتی ملازم ہونے کے ناطے کہیں اور کام کرنے کی اجازت ہے۔ انہوںنے کہاکہ یہ حکومتی اصول کے خلاف ہے اور اس لئے جو شخص ملازم ہوکر کاروبار کرتاہواپایا جاتا ہے،اس پر قانون کے تحت کاروائی کی جائے گی ۔ایم ایل اے حویلی اعجاز جان نے ایسے ملازمین کو سختی سے متنبہ کیا کہ نجی کاروبار کریں یا ملازمت کریں ۔انہوںنے کہاکہ غیر حاضر اور کوتاہی برتنے والوں کے خلاف سخت کاروائی عمل میں لائی جائے گی۔
