کہا مشکل حالات میں ملک اور اس کے لوگوں کی خدمت کرنا آئی اے ایف کے ڈی این اے میں ہے
لازوال ڈیسک
سرینگر ؍؍لفٹینٹ گورنر مسٹر منوج سنہا نے اتراکھنڈ وار میموریل کے سابق فوجیوں کے ساتھ تال میل میں ہندوستانی فضائیہ کی طرف سے منعقد کی گئی ’ وایو ویر وجیتا ‘ کار ریلی کو جھنڈی دکھا کر روانہ کیا ۔ راج بھون میں ہوائی جنگجوؤں کے ساتھ بات چیت کرتے ہوئے لفٹینٹ گورنر نے کار ریلی کے تمام شرکاء کو مبارکباد دی اور نیک خواہشات کا اظہار کیا ۔ لفٹینٹ گورنر نے کہا ’’ ہندوستانی فضائیہ کے پاس بہادری ، ہمت اور قربانی کی قابل فخر میراث ہے ۔ مشکل حالات میں ملک اور اس کے عوام کی خدمت کرنا ہندوستانی فضائیہ کے ڈی این اے میں شامل ہے ۔ ‘‘
https://jkrajbhawan.nic.in/
لفٹینٹ گورنر نے جنگ کے وقت ، ریسکیو آپریشنز اورقدرتی آفات میں آئی اے ایف کے اہم کردار کی بھی تعریف کی ۔ راستے میں فضائی جنگجو مختلف یونیورسٹیوں اور کالجوں میں مقامی نوجوانوں سے خطاب کریں گے اور انہیں مسلح افواج میں شامل ہونے کی ترغیب دیں گے ۔ لفٹینٹ گورنر نے کہا کہ قوم مسلح افواج کی شکر گذار ہے کہ وہ زیادہ محفوظ اور پر امن ماحول کو یقینی بنانے کیلئے ہندوستان کی ہمہ جہت ترقی اور خوشحالی کی طرف تیز رفتار مارچ کو ممکن بنا سکے ۔
انہوں نے مزید روشنی ڈالی کہ پچھلے 10 برسوں میں وزیر اعظم شری نریندر مودی کی قیادت میں سرحدی علاقوں کا بنیادی ڈھانچہ اور رابطہ مضبوط ہوا ہے ۔ اس سے پہلے ہندوستانی فضائیہ کی 92 ویں سالگرہ کے موقع پر عزت مآب وزیر دفاع مسٹر راج ناتھ سنگھ نے نئی دہلی کے نیشنل وار میموریل سے وایو ویر وجیتا کار ریلی کو گرمجوشی سے روانہ کیا ۔ آئی اے ایف کا ایڈوینچر سیل ریلی کی قیادت اور رابطہ کاری کر رہا ہے ۔ 50 سے زیادہ فضائی جنگجو جو لداخ کے تھوائز سے اروناچل پردیش کے توانگ تک مہم چلا رہے ہیں ، کُل 7000 کلو میٹر کا فاصلہ طے کر رہے ہیں ۔ لوگوں میں آئی اے ایف کی شاندار تاریخ کے بارے میں بیداری پیدا کریں گے اور نوجوانوں کو مسلح افواج میں شامل ہونے کی ترغیب دیں گے ۔ اس موقع پر ائیر آفیسر کمانڈنگ سرینگر ، ائیر کموڈور پربھات ملک ( وایو سینا میڈل ) ، ٹیم لیڈر ونگ کمانڈر وجے پرکاش بھٹ ، ریلی کے چئیر مین ایس ترون وجے اور دیگر اعلیٰ افسران موجود تھے ۔
