کہااین سی، کانگریس، پی ڈی پی، بی جے پی نے جموں و کشمیر کے لوگوں کو دھوکہ دیاہے
لازوال ڈیسک
جموں// ڈیموکریٹک پروگریسو آزاد پارٹی (ڈی پی اے پی) کے سینئر رہنما اور جے ایم سی کے سابق کونسلر، صوبت علی نے کہا کہ نیشنل کانفرنس (این سی)، کانگریس، پیپلز ڈیموکریٹک پارٹی (پی ڈی پی) اور بی جے پی نے ہمیشہ عوام کو بیوقوف بنایا اور دھوکہ دیا ہے۔ وہیںبہو گاندھی نگر اسمبلی حلقہ کے بھٹنڈی، سنجواں، باغ بہو اور دیگر علاقوں میں مختلف جلسوں کے دوران عوام سے خطاب کرتے ہوئے صوبتعلی نے کہا کہ تبدیلی کا وقت آگیا ہے اور مقبول سیاسی جماعتوں کو سبق سکھائیں۔حلقہ باہو سے ڈی پی اے پی کے امیدوار صوبت علی نے حلقہ کے لوگوں سے کہا ہے کہ وہ ان کے حق میں زیادہ سے زیادہ ووٹ دیں تاکہ وہ سخت محنت کر کے حلقہ کے مسائل کو شفاف طریقے سے حل کر سکیں۔علی نے حلقہ کے لوگوں سے ملاقات کرنے اور ان کے مسائل سننے کے لیے گھر گھر جا کر دورہ بھی کیا۔
https://x.com/DPAP_office
عوام نے پانی اور بجلی کی ناقص فراہمی، بیروزگاری، منشیات کی لت، مجرمانہ سرگرمیوں میں اضافہ، نکاسی آب کا خراب نظام، خستہ حال گلیاں اور نالوں وغیرہ کے مسائل اٹھائے۔صوبت علی نے عوام کے مسائل سننے کے بعد متعلقہ حکام سے رجوع کر کے حل کرانے کی یقین دہانی کرائی۔انہوں نے کہا کہ پچھلے 10 سالوں میں پورے جموں و کشمیر میں بے روزگاری میں اضافہ ہوا ہے اور پڑھے لکھے بے روزگار نوجوانوں کو بدترین مایوسی کا سامنا ہے جس نے انہیں نشے کی تاریک دنیا میں دھکیل دیا ہے۔
صوبتعلی نے کہا کہ یکم اکتوبر کو بڑی تعداد میں نکلیں اور بالٹی کا بٹن دبا کر میرے حق میں اپنا قیمتی ووٹ ڈالیں تاکہ حلقہ کے تمام مسائل فوری حل ہو سکیں۔ انہوں نے باہو حلقہ کے لوگوں کو مزید یقین دلایا کہ یہ انتخابات جیت کر وہ اس حلقے کو پورے جموں و کشمیر میں ایک ماڈل کے طور پر ترقی دیں گے۔انہوں نے بہو حلقہ کے امیدوار نے حلقہ کے لوگوں کو 28 ستمبر 2024 کو شام 5 بجے چوڑی جموں کے نور کیسل میں جلسہ عام کے لیے مدعو کیا جس سے ڈی پی اے پی کے سربراہ غلام نبی آزاد خطاب کریں گے۔صوبت علی نے یہ بھی کہا کہ ڈی پی اے پی کے حق میں ہر ووٹ آزاد صاب کے ہاتھ مضبوط کرے گا جو جموں و کشمیر کو ترقی یافتہ ریاست بنانے کے لیے پرعزم ہیں۔
