23 اکتوبر سے شروع ہونے والا ٹورنامنٹ جموں توی گالف کورس میں کھیلا جائے گا
لازوال ڈیسک
جموںپروفیشنل گالف ٹور آف انڈیا (پی جی ٹی آئی)، ہندوستان میں پیشہ ورانہ گالف کی باضابطہ منظوری دینے والی باڈی،جموںوکشمیرٹورازم کے ساتھ،جموںو کشمیرٹورازم کی طرف سے پیش کردہ جموںوکشمیراوپن کے چوتھے ایڈیشن کا انعقاد کرے گا جس کا انعقاد جموں کے قدیم جموں توی گالف کورس میں، 23 سے 26 اکتوبر 2024 تک کیا جائے گا۔واضح رہے ایونٹ کے لیے کل انعامی پرس 50 لاکھ روپے ہے۔
https://tourismjk.in/
یاد رہے ٹورنامنٹ کو پریزنٹنگ پارٹنر جموںو کشمیرٹورازم کے ساتھ ساتھ میزبان مقام جموں توی گالف کورس کی حمایت حاصل ہے۔دریں اثناءجموں و کشمیر ملک کے چند اعلیٰ سیاحتی مقامات کا گھر ہے۔ قابل فخر پہاڑی سلسلوں کے درمیان دلکش قدرتی خوبصورتی سے نوازا گیا جموں ان تمام خوبیوں کی نمائش کرتا ہے جو اسے سیاحتی مقام کا متلاشی بناتا ہے۔ جموں کے علاقے میں سیاحوں کے لیے سب سے زیادہ پرکشش مقامات میں ماتا ویشنو دیوی مندر، امر محل پیلس، مبارک منڈی پیلس اور پتنی ٹاپ شامل ہیں۔
یہ ٹورنامنٹ جموں و کشمیر ٹورازم کے خطے میں گالف ٹورازم کو فروغ دینے کے عظیم اقدام کا حصہ ہے۔ جموں و کشمیر کو کچھ شاندار گالف کورسز جیسے جموں توی گالف کورس، رائل اسپرنگس گالف کورس (سری نگر)، پہلگام گالف کورس (لدر ویلی) اور گلمرگ گالف کلب سے نوازا گیا ہے۔ وہیںایونٹ میں شرکت کرنے والے سرفہرست ہندوستانی پیشہ ور افراد میں شوریہ بنو، ورون پاریکھ، اولمپیئن ادیان مانے، سچن بیسویا، شنکر داس، ایم دھرما اور ابھینو لوہن شامل ہیں۔
تاہم غیر ملکی چیلنج کی قیادت جمہوریہ چیک کے اسٹیپن ڈینیک، امریکی ڈومینک پیکریلو اور ڈگراج سنگھ گل، کینیڈین سکھراج سنگھ گل، سری لنکا کے این تھنگاراجا اور کے پرباگرن، بنگلہ دیشی جمال حسین، بادل حسین، محمد اکبر حسین اور محمد جاکرزمان کریں گے۔
اس سلسلے میں یشا مدگل، آئی اے ایس، کمشنر سکریٹری، جے اینڈ کے ٹورازم نے کہاکہ جے اینڈ کے ٹورازم جموں میں چوتھے پی جی ٹی آئی جے اینڈ کے اوپن 2024 میں شرکاء، اسپانسرز اور میڈیا کا گرمجوشی سے خیرمقدم کرتا ہے، جو گالف، سیاحت اور دوستی کا جشن ہے۔وہیںمسٹر وویکانند رائے، آئی آر ایس، ڈائریکٹر، ٹورازم، جموں نے کہاکہ جے اینڈ کے اوپن 2024 کا چوتھا ایڈیشن ہماری سیاحت کی پیشکشوں میں ایک نئی جہت کا اضافہ کرتا ہے۔ گالف جموں کی قدرتی خوبصورتی، ثقافتی تنوع اور مہمان نوازی کو ظاہر کرنے کے لیے ایک پلیٹ فارم فراہم کرتا ہے۔انہوںنے کہاکہ میں ہر ایک کو خطے کے بھرپور ورثے اور منفرد تجربات کو دریافت کرنے کی دعوت دیتا ہوں، جو اسے واقعی ناقابل فراموش بناتا ہوں۔اس موقع پرسنینا شرما مہتا، جے کے اے ایس، جوائنٹ ڈائرکٹر، ٹورازم، نے اشتراک کیاکہ ہم قومی اور بین الاقوامی گالفرز کا خیرمقدم کرنے اور جموں کے متحرک فن، دستکاری اور ثقافتی ورثے کو پیش کرنے پر بہت پرجوش ہیں۔ انہوں نے مزید کہا کہ اس ایونٹ میں دو روزہ ڈوگرہ فوڈ فیسٹیول اور ایک ایف اے ایم ٹور بھی شامل ہو گا، جو کھلاڑیوں کو قریبی ثقافتی سیاحتی مقامات کی سیر کرنے کا موقع فراہم کرے گا۔
