مہاتما گاندھی کا فلسفہ ستیہ اور اہنسا ، سچائی اور عدم تشدد ہماری رہنمائی کی روشنی بنے ہوئے ہیں :ایل جی
لازوال ڈیسک
جموں ؍؍لیفٹیننٹ گورنر منوج سنہا نے مبارک منڈی ہیری ٹیج کمپلیکس میں گلوبل گاندھی فیملی جے اینڈ کے کے زیر اہتمام ایک تقریب میں بابائے قوم مہاتما گاندھی کو ان کی پونیہ تیتھی پر خراج عقیدت پیش کیا ۔فادر آف دی نیشن کو خراج عقیدت پیش کرتے ہوئے لفٹینٹ گورنر نے کہا کہ مہاتما گاندھی کا ستیہ اور اہنسا ، سچائی اور عدم تشدد کا فلسفہ ہماری رہنمائی کی روشنی ہے ۔ ’’ باپو کی زندگی اور تعلیمات آنے والی صدیوں میں بھی متعلقہ رہیں گی جیسا کہ دُنیا پہلے سے کہیں زیادہ ایک دوسرے پر منحصر ہو رہی ہے ، ایک دوسرے کیلئے مساوی احترام اور پُر امن بقائے باہمی کی اس کی تعلیم بنی نوع انسان کی فلاح و بہبود کیلئے زیادہ طاقتور ہتھیار بن جائے گی۔ مہاتما گاندھی کے اعلیٰ نظریات کا خاکہ پیش کرتے ہوئے لفٹینٹ گورنر نے اس بات پر زور دیا کہ جموں و کشمیر یو ٹی کی پائیدار ترقی کیلئے ہمارے ماحولیاتی نظام کو محفوظ رکھنے کیلئے لوگوں کی شرکت ناگزیر ہے ۔ باپو نے ہماری ترقی اور ماحولیات کو متوازن کرنے پر بہت زور دیا ۔ لفٹینٹ گورنر نے کہا کہ یہ ہمارا فرض ہے کہ ہم ان کے وژن کو اپنی ترقیاتی پالیسی کا لازمی حصہ بنائیں
لیفٹیننٹگورنر نے گاندھی گلوبل فیملی جموں و کشمیر کی تعریف کی کہ وہ مہاتما گاندھی کے فلسفے اور گاندھیائی اقدار کو فروغ دینے کیلئے خاص طور پر نوجوان نسل کیلئے کئی سرگرمیاں انجام دے رہے ہیں ۔ انہوں نے لوگوں پر زور دیا کہ وہ عدم تشدد ، سماجی انصاف اور مساوات کی اقدار پر عمل کریں جو پرامن اور ہم آہنگی کے ساتھ بقائے باہمی کی بنیاد ہیں ، جو فرقہ وارانہ ہم آہنگی ، بھائی چارے کے بندھن کو مضبوط کرتی ہیں ۔لیفٹیننٹ گورنر نے سوچھتا کو فروغ دینے اور ماحولیات کے تحفظ کے ساتھ ساتھ ہمارے ملک کی ترقی کے سفر میں زیادہ سے زیادہ عوامی شراکت کو مضبوط کرنے کیلئے ’ جن بھاگیداری ‘ کی بھی اپیل کی ۔ اس موقع پرلیفٹیننٹ گورنر نے مہاتما گاندھی ایوارڈ 2022 حاصل کیا ۔ انہوں نے اپنا ایوارڈ جموں و کشمیر کے 1.25 کروڑ شہریوں کو وقف کیا ، انہیں یو ٹی کی ترقی میں برابر کا حصہ دار قرار دیا اور امن ، ترقی اور خوشحالی کیلئے کام کیا ۔مہاتما گاندھی کو خراجِ عقدیدت پیش کرنے کیلئے دو منٹ کی خاموشی اختیار کی گئی ۔اس موقع پر پدم شری ایوارڈ یافتہ کیپٹن بانا سنگھ پی وی سی ، سیاسی قائدین ، سول سوسائیٹی کے ارکان ، پولیس اور سول انتظامیہ کے سینئر افسران کے علاوہ دیگر بھی موجود تھے ۔
