بی ڈی سی چیئرمین، سماجی کارکن حامیوں کے ساتھ بی جے پی میں شامل
لازوال ڈیسک
سرینگر؍؍پہلگام سے بی ڈی سی چیئرمین بشیر احمد خان اور سماجی کارکن محمد اسرار چودھری اپنے حامیوں کے ساتھ بی جے پی کے ریاستی جنرل سکریٹری اشوک کول، نائب صدر یودھویر سیٹھی، پربھاری ایس ٹی مورچہ اور سابق وزیر عبدالغنی کوہلی بی کی موجودگی میں بی جے پی میں شامل ہوئے۔اس موقع پر جموں و کشمیر بی جے پی کے سکریٹری اروند گپتا، آفس سکریٹری تلک راج گپتا، میڈیا سکریٹری ڈاکٹر پردیپ مہوترا اور دیگر بھی موجود تھے۔وہیںاشوک کول نے نئے شامل ہونے والوں کا خیرمقدم کرتے ہوئے کہا کہ جموں کے ساتھ ساتھ کشمیر سے مختلف سیاسی جماعتوں کے سرکردہ رہنما، سماجی کارکن اور سول سوسائٹی کے سرکردہ ارکان بی جے پی میں شامل ہو رہے ہیں۔ انہوں نے کہا کہ بی جے پی ایک سیاسی پارٹی کے طور پر تمام خطوں اور تمام فرقوں سے عوام کا اعتماد حاصل کرنے میں کامیاب ہوئی ہے جس سے پارٹی مضبوط ہو رہی ہے۔ انہوں نے کہا کہ آنے والے وقتوں میں مزید رہنما پارٹی میں بطور بی جے پی شامل ہوں گے کیونکہ وہ جانتے ہیں کہ صرف بی جے پی ہی جموں و کشمیر میں عام لوگوں کی پرعزم فلاح و بہبود اور امن و ترقی کے لیے کام کر رہی ہے۔
