ریاض ملک
منڈی؍؍ منڈی میں صاف بھارت، آزادی کا امرت مہااتسو کے تحت بس اڈا میں آج رہبر کھیل اساتذہ منڈی اور رہبر کھیل ساتھرہ کی جانب سے ایک صفائی مہم کا اہتمام کیاگیا۔جس میں بوائز ہائیر اسکینڈری اسکول منڈی کے تمام اساتذہ نے بھی شرکت کی۔ اس دوران منڈی بس اڈہ پر پڑا کوڑا کرکٹ صاف کیاگیا۔ جس میں تمام رہبر ِکھیل ٹیچرز اور ہائیر سیکنڈری سکول کے مردو خواتین اساتذہ نے بھی صفائی مہم کا حصہ بن کر بس اڈہ منڈی پر پڑا کوڑا کرکٹ صاف کیا۔ اس دوران رہبر کھیل کی جانب سے فزیکل ٹیچر امتیاز احمد لون نے کہاکہ پورے ملک میں آج صفائی ابھیان چالایاجارہاہے۔جو یکم اکتوبر کو شروع ہوکر آخر ماہ تک جاری رہے گا۔ اس دوران مختلف مقامات اور سیاحتی مقامات کی صاف صفائی کی جائیگی۔ جس میں آج کی مہم کے تحت ساتھرہ زون اور منڈی زون کے رہبر کھیل اساتذہ کے ساتھ ساتھ منڈی کی ہائیر اسیکنڈری سکول کے اساتذہ نے بھی صفائی مہیم میں شمولیت کی۔ ان کے علاوہ فزیکل زونل آفیسر نے بھی صفائی ابھیان کے حوالے سے بات کرتے ہوئے تمام لوگوں کو مومی لفافے وغیرہ استعمال کرنے سے پرہیز کرنے پر زوردیا۔اس دوران لیکچرر ابوبکر ملک گورنمنٹ بوئیز ہائیر سیکنڈری سکول منڈی نے بھی کہاکہ اس وقت ملک کے وزیر اعظم کی جانب سے ملک بھر میں یہ صفائی ابھیان چلایاجارہاہے۔جس میں سرکار اور انتظامیہ کے ساتھ ساتھ ہمیں بھی صفائی مہیم میں حصہ لیکر تحصیل منڈی ضلع پونچھ کے ساتھ جموں وکشمیر اور پورے ملک کو صاف رکھنے میں اپنا تعاون دینا چاہئے۔
