فون کال کے ذریعے دوسری خوراک لینے کی ترغیب دی جائے گی
پٹنہ //کورونا ویکسین کی دونوں خوراکیں عوام کو دی جانی چاہئیں، حکومت اور محکمہ صحت لوگوں کو انفیکشن سے محفوظ رکھنے کی کوشش کر رہے ہیں۔ زیادہ سے زیادہ مستفیدین کو ویکسین دینے کے مقصد سے کوویڈ ویکسینیشن مہا ابھیان وقتا فوقتا چلایا جا رہا ہے۔ حکومت لوگوں کو مکمل طور پر ویکسینٹ کرنے کے لیے پرعزم ہے۔ اسی سلسلے میں جمعہ کے روز اے این کالج پٹنہ میں این ایس ایس (نیشنل سروس اسکیم) یونٹ اور کیئر انڈیا کے درمیان ایم او یو(مفاہمت کی یادداشت)پر دستخط ہوئے۔ اس مفاہمت کی یادداشت کے مطابق اے این کالج کا این ایس ایس یونٹ اور کیئر انڈیا کے رضاکار پٹنہ کے مختلف مقامات پر اسٹریٹ ڈراموں اور دیگر ذرائع سے لوگوں کو کورونا کی روک تھام اور ویکسینیشن کی اہمیت سے آگاہ کریں گے۔
اے این کالج پٹنہ کا این ایس ایس۔ یونٹ اور کیئر انڈیا کے درمیان مفاہمت کی یادداشت پر دستخط:مفاہمت کی یادداشت پر کالج کے پرنسپل پروفیسر ایس پی شاہی، این ایس ایس پروگرام آفیسر ڈاکٹر رتنا امرت، ڈاکٹر ابھیشیک دت اور کیئر انڈیا کی جانب سے سنیل بابو، ڈائریکٹر، کویڈ کیئر ٹاسک فورس، کیئر انڈیا اور سمت کمار، سینئر اسٹریٹجک پروگرام منیجر نے دستخط کیے۔ شرکاء سے خطاب کرتے ہوئے اے این کالج پٹنہ کے پرنسپل پروفیسر ایس پی ساہی نے کہا کہ نیشنل سروس اسکیم طلباء کی شخصیت کی نشوونما میں اہم کردار ادا کر رہی ہے اور انہیں زیادہ سے زیادہ لوگوں کو کوویڈ ویکسینیشن مہم سے جوڑ کر ویکسینٹ کرنے میں مدد ملے گی۔
”ہیلو واریرس” پہل کا آغاز:طلباء سے خطاب کرتے ہوئے ٹیم لیڈر، کیئر انڈیا، پٹنہ کی مون سون موہنتی نے کہا کہ ہر طالب علم دن بھر میں دس سے پندرہ ان فائدہ اٹھانے والوں کی فون کر کے حوصلہ افزائی کرے گا جو دوسری خوراک سے اب دور ہیں۔ اس کے لیے ہر طالب علم کو محض ایک منٹ کا وقت ملے گا۔ مون سون موہنتی نے بتایا کہ اس سے ان مستحقین کو حوصلہ ملے گا جو دوسری خوراک لینے سے کسی بھی وجہ سے محروم ہیں۔
اسٹریٹ پلے اور پینٹنگ مقابلے کا انعقاد:کورونا آگاہی پر ایک پینٹنگ مقابلہ بھی منعقد کیا گیا۔ جس میں کالج کی طالبہ سویتا کماری نے پہلی پوزیشن حاصل کی، جس کے لئے انہیں شیلڈ سے نوازا گیا۔ کورونا وائرس سے بچاؤ اور ویکسینیشن کی اہمیت پرکالج کے این ایس ایس کے رضاکاروں اور کیئر انڈیا کے رضاکاروں نے نکڑ ناٹک کا بھی اہتمام کیا۔اظہار تشکر ڈاکٹر ابھیشیک دت نے کیا،اس پروگرام میں کالج کے کوآرڈینیٹر ڈاکٹر ارون کمار، پروفیسر کلا ناتھ مشرا، پروفیسر ترپتی گینگوار، ڈاکٹر ودیا بھوشن، یشاشوی سنگھ، مختلف شعبہ جات کے طلباء اور این ایس ایس کے رضاکار موجود تھے۔
