مقررین نے معاشرے اور قوم کی تعمیر میں استاد کے کردار پر مفصل روشنی ڈالی
لازوال ڈیسک
ہیرا نگر // آج یہاں گورنمنٹ ڈگری کالج ہیرا نگر نے کالج کے آئی قیو آئی اے سی سیل کے تعاون سے اساتذہ کے دن منانے کا اہتمام کیا۔وہیں تقریب کا آغاز کالج کے پرنسپل پروفیسر کلدیپ سنگھ کوشل نے روایتی چراغ روشن کرنے کے ساتھ کیا۔ اس موقع پرا سٹاف ممبران ، این ایس ایس رضاکاروں اور این سی سی کیڈٹس نے شرکت کی۔ جبکہ پروگرام کا آغاز این ایس ایس کے رضاکاروں نے سرسوتی وندنا سے کیا۔ دریں اثناء طلباء نے اس دن کی اہمیت اور ڈاکٹر سروپلی رادھا کرشنن کے بطور استاد ، عظیم فلسفی اور سیاستدان کے کردار کے بارے میں اپنے خیالات کا اظہار کیا۔ این ایس ایس کے رضاکاروں کی طرف سے ایک ثقافتی بونینزا بھی پیش کیا گیا۔ پرفارمنس کو تمام سامعین نے زبردست تالیاں بجا کر سراہا جو کہ میوزک ڈیپارٹمنٹ کی نگرانی میں مرتب اور پیش کی گئیں۔ این ایس ایس پروگرام آفیسرپروفیسر راکیش شرما اور پروفیسر سجاعت خان نے بھی معاشرے میں اساتذہ کے کردار کے بارے میں اپنے خیالات پیش کیے۔وہیںاپنے صدارتی خطاب میں کالج کے پرنسپل پروفیسر کلدیپ سنگھ کوشل نے معاشرے اور قوم کی تعمیر میں استاد کے کردار ، حیثیت اور اہمیت کے بارے میں طویل گفتگو کی۔ انہوں نے ڈاکٹر اے پی جے عبدالکلام اور ڈاکٹر سروپلی رادھاکرشنن جیسے عظیم فلسفی کا خاص طور پر ذکر کیا جو دونوں ہندوستان کے سابق صدور تھے جو اساتذہ کے طور پر یاد رکھنے کی خواہش رکھتے تھے۔
