خواتین کی بڑی تعداد نے ایل جے پی کے مہیلا ونگ میں شمولیت اختیار کی
لازوال ڈیسک
جموں//لوک جن شکتی پارٹی پر اعتماد کا اظہار کرتے ہوئے آج یہاں کئی خواتین نے پارٹی کے صدر رفیق ملک سمیت دیگر لیڈران کی موجودگی میں ایل جے پی میں شمولیت اختیار کی۔وہیںپارٹی میں نئے آنے والوں کا خیرمقدم کرتے ہوئے، جنرل سیکرٹری مہیلا ونگ نیہا نے کہا کہ خواتین کے خلاف جرائم بڑھ چکے ہیں۔ انہوں نے کہا عصمت دری ، قتل اور بدگمانی جسیے واقعات ہر وقت سامنے آتے ہیں اور متاثرین کو انصاف نہیں ملتا۔ وہیں ضروری اشیاء اور سبزیوں کی بڑھتی ہوئی قیمتوں پر مایوسی کا اظہار کرتے ہوئے ، نیہا نے نشاندہی کی کہ اشیائے ضروریہ کی قیمتوں میں کافی اضافہ ہوا ہے جس کی وجہ سے سبزی عام آدمی کی پہنچ سے باہر ہو گئی ہے۔ ایل پی جی پہلے ہی مہنگی ہونے کے ساتھ ، سبزیوں اور گروسری کی بڑھتی ہوئی قیمتوں نے ایک عام گھر کے بجٹ کو تباہ کر دیا ہے جس سے گھریلو خواتین حیران اور الجھن میں پڑ گئی ہیں ۔
