دیگر مقامات پر دستیاب جگہوں پر بھی شجرکاری مہم چلائی جائے گی: پرنسپل کالج
لازوال ڈیسک
درہال //این ایس ایس یونٹ ڈگری کالج درہال نے ستمبر 2021 کے پہلے ہفتے کے لئے پوشن واٹیکا کے عنوان سے پوشن ما کو منانے کے لیے کالج اور گردونواح میں پودے لگانے کی مہم کا اہتمام کیا۔وہیں اس دوارن کالج کے پرنسپل سمنیشن جسروتیا نے بتایا کہ اس سال پوشن ماہ ، پوشن ماہ کے عنوان سے پورے ستمبر کے مہینے میں منایا جائے گا ، جس میں ہفتہ بنیاد پر مختلف قسم کی سرگرمیاں انجام دی جائے گی ۔ انہوں نے کہا کہ پہلا ہفتہ پوشن وٹیکا کے طور پر منایا جائے گا جس میں آنگن واڑیوں ، اسکولوں ، گرام پنچایتوں اور دیگر مقامات پر دستیاب جگہوں پر شجرکاری مہم چلائی جائے گی جس میں غذائیت سے بھرپور پھل دار درختوں ، سبزیوں اور دواؤں کی جڑی بوٹیوں کے پودے لگائے جائیں گے۔ وہیںکالج کے ڈاکٹر اطہر عزیز رائنا این ایس ایس پروگرام آفیسر نے بتایا کہ این ایس ایس کو یہ کام سونپا گیا ہے کہ وہ اس سال کے پوشن ماہ کو منائیں اور کالج کے این ایس ایس یونٹ نے پروگرام کا آغاز پہلے ہفتے کے تھیم پوشن وٹیکا سے کیا۔ انہوں نے بتایا کہ رضاکاروں نے کالج میں ، اور آس پاس کے علاقوں میں پہلے دن اتنے زیادہ پودے لگائے ہیں اور یہ پلانٹیشن مہم ہفتے بھر جاری رہے گی
