ریاسی میں مقامی لوگوں کو کووڈ 19سے بچائو کی کٹس تقسیم کیں
لازوال ڈیسک
ریاسی // جذبہ خیر سگالی اور عام عوام کی فلاح و بہبود کیلئے اپنے عزم کے تسلسل کے طور پر ، فوج نے ضلع ریاسی کے بننا ، ہسوٹ اور چندروالی میں مقامی لوگوں میں کوویڈ 19 سے بچاؤ کی کٹس تقسیم کیں۔جبکہ اس تقریب کا مقصدکووڈ 19کٹس تقسیم کرنا اورکووڈ-19 احتیاطی تدابیر اور ویکسینیشن کی اہمیت کے بارے میں آگاہی پھیلانا تھا۔وہیں تقریب کے دوران ، 40کوویڈ 19کٹس جن میں سینیٹائزرز ، سرجیکل ماسک ، فیس شیلڈز ، دستانے ، صابن شامل ہیں تقسیم کرنے کے علاوہ لوگوںکو جانکاری بھی فراہم کی گئی۔علاوہ ازیں فوج نے اس موقع پرکووڈ19کی روک تھام سے متعلق کتابچے بھی تقسیم کیے اور عوامی مقامات جیسے کمیونٹی ہالز اور دکانوں پر چسپاں بھی کیے گئے۔
