بھلیسہ فارسٹ رینجر آفیسر نے تمام نوجوانوں کو سرسبز سونا جنگل کو بچانے سے روشناس کیا
منظور سمسھال
گندو ؍؍گندو بھلیسہ بلاک چلی پنچایت چلی بالہ کھور نال میں کرکٹ ٹورنامنٹ کا انعقاد کیا گیا جس میں جنگلات کی تمام ملازمین و دیگر سرپنچ ،پنچ اور نوجوانوں نے شرکت کی۔منیر شیخ کی زیر صدارت میں پروگرام کا آغاز کیا گیا اور مہمان خصوصی رینجر آفیسر بھلیسہ تھے۔وہاں کی دونوں مقامی ٹیموں کے درمیان ٹاس کروایا گیا۔رینجر آفیسر نے تمام کرکٹ کھلاڑیوں کو مدعو کیا کہ ہم سب کو مل جل کر آپسی بھائی چارے اور اتفاق سے رہنا ہوگا۔بھلیسہ کے اس خوبصورت جگہ کھور نال کی مزید تعریف کرتے ہوئے کہا کہ چاروں طرف سے سر سبز جنگل نے گھیرا ہوا ہے اسی طرح ہم سب کا فرض ہے اس سرسبز سونا جنگل کو بچائے جائے اور مزید درخت لگائے جائیں اس کی خوبصورتی کو دیکھنے کے لئے ہر سال اسی طرح کھورنال چلی میں کرکٹ ٹورنامنٹ کروائی جائیں گی دونوں ٹیموں سے مل کر کہا کہ اگر یہاں کے نوجوانوں کو مناسب موقع اور سہولیات فراہم ہو تو اس علاقے میں بھی بین الاقوامی معیار کے کرکڑز پیدا ہو سکتے ہیں ۔یہاں کے نوجوان اکثر سڑکوں اور گلیوں میں کرکٹ کھیلتے نظر آتے ہیں۔لیکن علاقہ کھورنال کے میدان کی خوبصورتی بھلیسہ میں اول نمبر پہ ہے رینجر بھلیسہ نے حوصلہ افزائی دیتے ہوئے کہا کہ ہم نوجوانوں کا مکمل تعاون کریں گے۔منیر شیخ نے کہا کہ یہاں کے نوجوانوں کو کھیلنے کے موقع فراہم ہونگے اور اسی طرح بین الاقوامی معیار کے کھلاڑی بننے میں مددگار ثابت ہوں گے یہاں کے نوجوانوں میں ٹیلنٹ بھی ہیں اور محنتی بھی لیکن ان کو مطلوبہ سہولیات میسر نہیں لہذا ہماری ضلع انتظامیہ سے پرزور اپیل ہے ۔ان علاقوں کی طرف بھی توجہ دی جائے۔
