کہا پی او کے بھارت کا حصہ ،عمران کو کرکٹ ٹورنامنٹس منعقد کرنے کا کوئی حق نہیں
لازوال ڈیسک
جموں// شیوسینا بالا صاحب ٹھاکرے جموں و کشمیر یونٹ نے زور دے کر کہا ہے کہ پاکستان مقبوضہ کشمیر (پی او کے) بھارت کا اٹوٹ انگ ہے اور پاکستان کو غیر قانونی طور پر اس خطے میں کسی بھی کرکٹ پروگرام کے انعقاد کا کوئی حق نہیں ہے۔اس کے یو ٹی صدر منیش ساہنی کی قیادت میں درجنوں شیوسینکوں نے آج یہاں پاکستان مخالف نعروں کے درمیان عمران خان کا پتلا نذر آتش کرکے پاکستان اور اس کے وزیراعظم عمران خان کے خلاف شدید احتجاج درج کرایا۔ساہنی نے کہا کہ پاکستان کو غیر قانونی طور پر مقبوضہ علاقے میں کوئی کرکٹ ٹورنامنٹ منعقد کرنے کا کوئی حق نہیں ہے۔ساہنی نے حکومت پر زور دیا بھارت اور بی سی سی آئی کھل کر سامنے آئیں اور پاکستان کے وزیر اعظم عمران خان کی غیر قانونی مقبوضہ علاقوں کو کرکٹ کی مدد لے کر جائز دکھانے کی مذموم کوشش کو بے نقاب کریں۔ساہنی نے کہا کہ حصہ لینے والے کھلاڑی۔کے پی ایل کو مستقبل میں "ہندوستان میں کسی بھی کرکٹ کی سرگرمی” کا حصہ لینے کی اجازت نہیں ہوگی۔ساہنی نے کہا کہ پاکستان کی مذموم سرگرمیوں کو مکمل طور پر روکنے کے لیے فضائی حملہ ہی واحد آپشن ہے۔ مزید یہ کہ ساہنی نے پی او کے کے لوگوں سے اپیل کی کہ وہ ان ٹورنامنٹس کا بائیکاٹ کریں۔
