لازوال ڈیسک
جموں// شہریوں کی فلاح و بہبود کے لیے اپنی کوششوں کو جاری رکھتے ہوئے، 76 بٹالین سی آر پی ایف نے جموں و کشمیر کے محکمہ صحت کے اشتراک سے آج یہاں گاؤں رائے پور، نزد بن تالاب، جموں میں سوک ایکشن پروگرام کے تحت ایک مفت طبی کیمپ کا انعقاد کیا۔اس موقع پر سندیپ کھیروار، آئی جی جموں سیکٹر اور رمیش کمار، ڈی آئی جی جموں رینج کی رہنمائی میں منعقدہ اس کیمپ کا بنیادی مقصد علاقے کے ضرورت مند لوگوں تک مفت صحت کی دیکھ بھال اور عام صحت کے مسائل اور ان سے بچاؤ کے بارے میں بیداری پھیلانا تھا۔ وہیں اس دوارن دو میڈیکل آفیسرز، 76 بٹالین، سی آر پی ایف کے ڈاکٹر ایس سومیا اور ڈاکٹر کویتا بھٹ اور ڈاکٹر پرینکا نے تقریباً 320 شہریوں کا مفت طبی معائنہ کیا اور مفت ادویات فراہم کیں۔اس دوارن ٹی ایچ خان، کمانڈنٹ76بٹالین نے سوک ایکشن پروگرام کا افتتاح کیا اور علاقے کے تمام لوگوں سے اپیل کی کہ وہ باقاعدگی سے جسمانی ورزش کرکے فٹ رہیں اور انہیں صحت مند طرز زندگی اور حفظان صحت کو برقرار رکھنے کے لیے بیدار کریں۔ اس کے علاوہ، انہوں نے مقامی لوگوں اور فورس کے درمیان خوشگوار تعلقات کو برقرار رکھنے میں سی آر پی ایف کے کردار کی بھی وضاحت کی۔
