قیدیوں کوہر ممکن سہولیا ت اور وبائی بیماری سے محفوظ رکھنے کے لئے بہتر سہولیات فراہم کی جارہی ہے /سپرانٹنڈنٹ جیل
اے پی آئی
سرینگر؍؍اس بات کا سنسنی خیزانکشاف ہوا ے کہ ادھمپور جیل میں بند 479قیدیوں میں سے 72قیدیوں کاٹیسٹ مثبت پایاگیا جسکے نتیجے میں جیل میں بند پڑے قیدیوں کے لواحیقن میں تشویش کی لہر دوڑ گئی اور سرکار سے مطالبہ کیاکہ جیل میں بند قیدیوں کویاتو رہاکیاجائے یاانہیں سرینگر منتقل کرنے کے جلد از اجلداقدامات اٹھائے جائے ۔ادھر جیل انتظامیہ کے مطابق جن قیدیوں کاٹیسٹ مثبت پایاگیاہے انہیں نہ صرف کرنٹیئن کیاگیاہے بلکہ انہیں ہرطرح کی سہولیا ت بہم چائی جارہی ہے ۔اے پی آ ئی کے مطابق اس بات کاانکشاف ہواے کہ ادھمپور جیل میں 479قیدیوں میں سے 72قیدیوں کاٹیسٹ کروناوائرس کے سلسلے میں مثبت پایا گیا جیل حکام کی جانب سے گزشتہ دنوں قیدیوں کاریپیڈ ٹیسٹ کیاگیا جسکے دوران ابتدائی طور پر72قیدیوں کوکروناوائرس وبائی بیماری میں مبتلاپایاگیا ۔ادھرادھمپور جیل کے سپرانٹنڈنٹ ہریش کوٹوال نے ا س بات کی تصدیق کی کہ 72قیدیوں کاٹیسٹ مثبت آ یاہے تاہم قیدیو ںکوفوری طور پرکرونٹین کرکے انہیں اس وبائی بیماری سے محفوظ رکھنے کے لئے تمام ادویات اور دوسری سہولیا ت فراہم کی جارہی ہے ۔دریں اثناء ادھمپور جیل میں بند پڑے قیدیوں کے لواحیقن نے 72قیدیوں کاٹیسٹ مثبت آنے پر سرکار سے مطالبہ کیاکہ قیدیوں کویاتو رہا کیاجائے یاپھرانہیں سرینگر جیلوں میں منتقل کرنے کے لئے فوری طور پراقدامات اٹھائے جائیں ۔واضح رہے کہ گزشتہ دنوں بھی ملک کے مختلف جیلوں میں بند پڑے کئی قیدیوں کے ٹیسٹ مثبت آنے کی خبریں شائع ہوئی تھی جس کے دوران جیلوں میں بندپڑے قیدیوں کے لواحقین نے انہیں رہاکرنے کامطالبہ کیاتھا ۔
