کٹھوعہ میں بجلی کا کرنٹ لگنے سے دو نوجوان از جان

جموں،// جموں وکشمیر کے ضلع کٹھوعہ میں ہفتے کی صبح بجلی کا کرنٹ لگنے سے موٹر سائیکل پرسوار دو نوجوانوں کی موت واقع ہوئی۔
پولیس ذرائع نے بتایا کہ ضلع کٹھوعہ کے جسروتہ قلعے کے نزدیک ہفتے روز موٹر سائیکل پر سوار دو نوجوان بجلی کا کرنٹ لگنے سے لقمہ اجل بن گئے۔
متوفی نوجوانوں کی شناخت 26 سالہ ادیناش شرما ولد کلدیپ راج اور 27 سالہ سریش شرما ولد مدن لال ساکنان کٹھوعہ کے بطور ہوئی ہے۔
انہوں نے بتایا کہ دونوں موٹر سائیکل پر کہیں جا رہے تھے کہ وہ زمین پر پڑی بجلی کی ہائی ٹیشن لائن پر اچانک چڑھ گئے جس سے ان کی موت واقع ہوئی۔
مذکورہ ذرائع نے بتایا کہ دونوں نوجوانوں کی لاشوں کو پوسٹ مارٹم کے لئے گورنمنٹ میڈٰیکل کالج کٹھوعہ منتقل کیا گیا۔
دریں اثنا ایس ایس پی کٹھوعہ رمیش کوٹوال نے واقعے کی تصدیق کی ہے۔