کہا سماج کے مسائل کا ازالہ کرنے کیلئے رضاء کار مثبت کردار ادا کریں
لازوال ڈیسک
سرنکوٹ؍؍تحصیلدار سرنکوٹ شیراز احمد چوہان نے ڈگری کالج سرنکوٹ میں سالانہ این ایس ایس کیمپ کا جائزہ لیا ۔اس موقع پر انہوں نے رضاء کاروں سے تبادلہ خیال کرتے ہوئے مختلف پروگرامو ں کے متعلق جانکاری فراہم کی ۔انہوں نے مزید کہا کہ سماج کے مسائل کا ازالہ کرنے کیلئے رضاء کار مثبت اقدامات کریں ۔موصوف نے اس دوران تعلیمی اداروں میں این ایس ایس کی افادیت پر بھی روشنی ڈالی ۔اس موقع پر کالج پرنسپل ڈاکٹر جسبیر سنگھ نے پروگرام کی صدارت کرتے ہوئے سماج میں نوجوانوں کے کردار پر روشنی ڈالی ۔انہوں نے کہا کہ طلباء سے کہا کہ وہ اپنے اندر مقابلے کی ہمت پیدہ کریں اور زندگی میں کامیاب ہوں ۔وہیں ڈاکٹر خلیل احمد ریشی ہیڈ شعبہ اردو نے نظامت کے فرائض انجام دئے جہاں این ایس ایس کے ایک سو رضاکاروں نے شرکت کی اور این ایس ایس پروگرام آفیسر ڈاکٹر سید وجاہت جعفری نے شکریے کی تحریک پیش کی ۔
