نئی دہلی //سپریم کورٹ نے سابق چیف جسٹس رنجن گوگوئی کے خلاف جنسی زیادتی کے معاملے میں بڑی سازش کے اندیشے کے پیش نظر از خود نوٹس لے کر شروع کی گئی شنوائی کو بند کر دیا ہے سپریم کورٹ نے اس دوران کہا کہ معاملے میں جسٹس (ریٹائرڈ) گوگوئی کے خلاف ’بڑی سازش‘ کے اندیشے سے انکار نہیں کیا جا سکتا۔
غور طلب ہے کہ سنہ 2019 میں ایک خاتون نے جسٹس (ریٹائرڈ) کے خلاف جنسی زیادتی کا الزام عائد کیا تھا۔
بعد ازاں سپریم کورٹ نے از خود نوٹس لیتے ہوئے تفتیش کروانے کا حکم دیا تھا۔ سپریم کورٹ نے سنہ 2019 میں سابق جسٹس اے کے پٹنایک کو اس معاملے میں بڑی سازش کے الزامات کی تفتیش کرنے کی ہدایت دی تھی۔
جسٹس سنجے کشن کول کی صدارت والی تین رکنی بینچ نے معاملے میں جسٹس (ریٹائرڈ) پٹنایک کی رپورٹ پرغور کرنے کے بعد کہا کہ جسٹس (ریٹائرڈ) گوگوئی کے خلاف سازش کے اندیشے سے انکار کیا جا سکتا۔ اس طرح کی سازش کے سلسلے میں جسٹس (سبکدوش) گوگوئی کے فیصلوں سے ہو سکتا ہے جن میں قومی شہری رجسٹر (این آر سی) پر ان کا نقطہ نظر بھی شامل ہے۔
سپریم کورٹ نے کہا کہ دو سال گذر گئے ہیں اور تفتیش کے لیے الیکٹرانک ریکارڈ حاصل کرنے کا امکان بہت کم ہے۔ اس طرح الزامات کی توثیق کر پانا ممکن نہیں ہے۔
