الطاف بخاری نے جماعت میں خیر مقدم کیا
لازوال ڈیسک
سرینگر؍؍ضلع شوپیان کے ضلع ترقیاتی کونسل حلقہ زین پورہ۔Iسے نومنتخبہ ڈی ڈی سی ممبربلقیس جان نے ہفتہ کے روز لال چوک سرینگر میں منعقدہ پروگرا م کے دوران اپنی پارٹی میں شمولیت اختیار کر لی۔ نومنتخبہ ڈی ڈی سی ممبر صدر سیدمحمد الطاف بخاری کی موجودگی میں پارٹی میں شامل ہوئیں۔ محترمہ جان نے زین پورہ۔Iسے بطور آزاد اُمیدوار الیکشن لڑے تھے ، جہاں سے اپنی پارٹی نے اپنا اُمیدوار نہیں کھڑا کر کے اُن کی حمایت کی تھی۔ اس موقع پر محترمہ جان نے متعلقہ حلقہ میں جوش وجذبہ کے ساتھ لوگوں کی فلاح وبہبودی کے لئے کام کرنے اور زمینی سطح پر اپنی پارٹی کو مضبوط کرنے کا عزم کہا۔ انہوں نے کہا’’میں اپنے حلقہ کے لوگوں کی شکر گذار ہوں جنہوں نے مکمل حمایت کر کے میری جیت یقینی بنائی، میں اپنی پارٹی قیادت کی بھی مشکور ہوں جنہوں نے اِن انتخابات کے دوران میری مناسب رہنمائی کی۔ اس موقع پر بولتے ہوئے بخاری نے بلقیس جان کو اپنے حلقہ کے اندر ترقیاتی معیار بہتر بنانے کے لئے سخت محنت کرنے کو کہا۔ انہوں نے کہا’’ میرا پیغام میرے سبھی فاتح اُمیدواروں سے یہ ہے کہ وہ متعلقہ حلقوں میں ہمہ گیر ترقی کے لئے کام کریں اور بلواسطہ اور بلاواسطہ طور لوگوں تک قابلِ رسائی رہیں‘‘۔
