صرف مودی ہی 130کروڑ باشندگان وطن کی توقعات کو سمجھ سکتے ہیں: امیت شاہ
یواین آئی
نئی دہلی؍؍مرکزی وزیر داخلہ امیت شاہ نے کہا کہ صرف وزیر اعظم نریندر مودی ہی 130 کروڑ باشندگان وطن کی توقعات کو صحیح معنی میں سمجھ سکتے ہیں اور اپنے خیال سے وہ ایک مضبوط، جدید اور خود انحصار ہندوستان کی تعمیر کر رہے ہیں۔مسٹر امیت شاہ نے آج سلسلہ وار ٹوئیٹ کرکے مسٹر مودی کے گجرات کے وزیر اعلی بننے سے لے کر وزیر اعظم بننے تک ان کی حصولیابیوں کا ذکر کیا۔ انہوں نے لکھا کہ "7 اکتوبر ملکی تاریخ کا ایک بہت اہم دن ہے ۔ 2001 میں اس دن نریندر مودی نے گجرات کے وزیر اعلی کی حیثیت سے حلف لیا تھا”۔ایک دیگر ٹویٹ میں انہوں نے لکھا کہ "اگر کوئی واقعتا 130 کروڑ ہندوستانیوں کی امنگوں کو سمجھ سکتا ہے تو وہ نریندر مودی ہی ہیں۔ اپنی بصیرت انگیز سوچ سے وہ ایک ایسا ہندوستان تعمیر کررہے ہیں جو مضبوط، جدید اور خود کفیل ہو۔ میں عوامی نمائندے کی حیثیت سے ان کے 20 سال مکمل ہونے پر انہیں دل سے مبارکباد پیش کرتا ہوں”۔واضح رہے کہ مسٹر نریندر مودی 7 اکتوبر 2001 کو پہلی بار گجرات کے وزیر اعلی بنے تھے ، اور اس کے بعد سیاسی میدان میں ان کے 20 سال مکمل ہونے والے ہیں، جس کے پیش نظر ان کے سیاسی سفر پر بھارتیہ جنتا پارٹی (بی جے پی) نے بدھ کے روز ‘ہر سال خصوصی حصولیابی کا’ کے عنوان سے ایک سیریز جاری کی ہے ۔امت شاہ نے مسٹر نریندر مودی کے گجرات کے وزیر اعلی کے عہدے کے 19 سال پورے ہونے پر انہیں مبارکباد پیش کی اور کہا کہ یہ فخر کی بات ہے کہ یہ مستحکم ، جدید اور آتم نربھر بھارت کیلئے مصروف عمل مسٹر مودی کی غیر معمولی قیادت میں کام کرنے کا ایک موقع ہے ملا ہے ۔ مسٹر شاہ نے ٹوئٹ کر کے کہا کہ 7 اکتوبر ملکی تاریخ کا ایک بہت اہم دن ہے ۔ آج ہی کے دن 2001 میں مسٹر مودی نے گجرات کے وزیر اعلی کی حیثیت سے حلف لیا تھا ، اور اس دن سے شروع ہونے والا اور رکے اور آرام کئے بغیر ہر دن ملک کے مفاد اور عوامی خدمات کیلئے وقف ایک ایسا سفر جس نے نئے نئے معیار قائم کئے ۔انہوں نے کہا کہ چاہے وہ زلزلہ سے بری طرح متاثر بھج کو ترقی کی راہ پر گامزن کرنا ہو ، یا گجرات کو امن و ہم آہنگی کی علامت بنانا ہو ، یا اپنی محنت اور وژن والی سوچ کے ذریعہ ملک کو ترقی اور ترقی کا گجرات ماڈل دینا ہو ، یہ صرف اور صرف مسٹر مودی کے عزائم کا ہی نتیجہ ہے ۔ انہوں نے کہا کہ گجرات کے وزیر اعلی کی حیثیت سے مسٹر مودی نے ریاست میں ترقی کا انقلاب لائے اور اب وزیر اعظم کی حیثیت سے کروڑوں غریبوں ، کسانوں ، خواتین اور معاشرے کے محروم طبقات کو مختلف تاریخی اسکیموں اور کاموں سے بااختیار بناتے ہوئے ، ان کی زندگی میں مثبت تبدیلی لا رہے ہیں۔وزیر داخلہ نے کہا ،‘‘اگر کوئی صحیح معنی میں 130 کروڑ ہندوستانیوں کی امنگوں کو واقعتا سمجھ سکتا ہے تو وہ مسٹر مودی ہیں۔ اپنی بصیرت انگیز سوچ کے ساتھ وہ ایک ایسا ہندوستان تعمیر کررہے ہیں جو مضبوط ، جدید اور خود کفیل(آتم نربھر) ہو۔ میں عوامی نمائندے کی حیثیت سے ان کے 20 ویں سال پر انہیں دلی مبارکباد پیش کرتا ہوں۔ مسٹر مودی کی سوچ ، وژن اور دلکش شخصیت سے متاثر ہو کر ہر ہندوستانی آج ہندوستان کو ‘وشو گرو’ کے طور پر دوبارہ قائم کرنے کے منتظر ہے ۔ ان کی غیر معمولی قیادت اور رہنمائی میں ملک کی فلاح و بہبود کے لئے کام کرنا میرے لئے بڑے فخر کی بات ہے ۔
