نئی دہلی،7 اکتوبر( یواین آئی) نائب صدر ایم وینکیا نائیڈو نے ’ریپڈ ایکشن فورس‘ (آر اے ایف) کے یوم تاسیس کے موقع پر بدھ کے روز نیک خواہشات کا اظہار کرتے ہوئے آر اے ایف کو بحران کے وقت شہریوں کے لئے پہلی کرن قرار دیا۔
مسٹر نائیڈو نے آج ایک ٹوئٹ میں کہا کہ آر اے ایف ایک سرشار اور ہمت و حوصلہ سے لبریز فورس ہے۔ قدرتی آفات یا امن و امان کی ہنگامی صورتحال میں یہ فورس لوگوں کے لئے امید کی پہلی کرن کی حیثیت رکھتی ہے۔
نائب صدر نے کہا ’’ریپڈ ایکشن فورس کی 28 ویں سالگرہ کے موقع پر میں فورس کے بہادر اور سرشار افسران ، جوانوں ، ان کے اہل خانہ اور فورس کے سابق ممبروں کو دلی مبارکباد اور نیک خواہشات پیش کرتا ہوں۔ قدرتی آفات یا امن و امان کے ہنگامی حالات میں آپ ہی شہریوں کیلئے امید کی پہلی کرن ہوتے ہیں۔‘‘
