روپے کی قدر 20پیسے کم ہوئی
یواین آئی
ممبئی؍؍ہندوستان اور چین کے درمیان سرحد پر تناؤ بڑھنے کے دباؤ کی وجہ سے آج انٹربینکنگ کرنسی بازار میں روپیہ 20 پیسے کم ہوکر چھ مہینے کے سب سے اعلی سطح سے اتر کر 73.60 فی ڈالر پر آگیا۔ گزشتہ دن روپے 73.40 روپے فی ڈالر پر رہا تھا۔روپیہ آج چودہ پیسے کے استحکام کے ساتھ 73.26 روپے فی ڈالر پر کھلا اور ابتدائی کاروبار میں یہ 73.25 روپے فی ڈالر کے اعلی ترین سطح پر چڑھا لیکن اسی دوران مشرقی لداخ میں سرحد پر ہندوستان اور چین کی فوجیوں کے درمیان پھر سے جھڑپ کی خبریں آئیں جس کی وجہ سے بازارپر دباؤ بن گیا۔ اس دوران بیس پیسے پھسل کر 73.60 روپے فی ڈالر ہوگیا۔
