نئی دہلی 31 اگست(یواین آئی)بھارتیہ جنتا پارٹی(بی جے پی)نے گاندھی واڈرا کنبہ پر آج پھر سے حملہ بولا اور کہا کہ یہ خاندان راجیوگاندھی فاونڈیشن کے ذریعہ مفرور میہل چوکسی،گھپلہ باز رانا کپور،جگنیش شاہ اورممنوعہ اسلامی مبلغ ذاکر نائک سے ملک کی دولت کی لوٹ کی چھوٹ دینے کے عوض میں لاکھوں روپے لیتا رہا ہے۔
بی جے پی کے ترجمان ڈاکٹرسمبت پاترا نے یہاں ایک پریس کانفرنس میں اس تعلق سے جاری تحقیقات کے تازہ ترین نتائج پر تبادلہ خیال کرتے ہوئے ہوئے کہا کہ راجیو گاندھی فاونڈیشن میں عطیہ کی رقم کا آنا کوئی اتفاق نہیں بلکہ ایک سازش رہی ہے۔پنجاب نیشنل بینک کے گھپلہ میں پھنسے میہل چوکسی کے بیٹے روہن چوکسی کی شیل کمپنی نویراج اسٹیٹ پرائیویٹ لمٹیڈ نے 29 اگست 2014 کو راجیو گاندھی فاونڈیشن کو دس لاکھ روپے دیے تھے۔اس کمپنی میں میہل چوکسی بھی ڈائریکٹر تھے۔چوکسی کی کمپنیاں-گیتانجلی اور نویراج پر کالے دھن کو سفید بنانے والے منی لانڈرنگ قانون کے تحت مقدمہ درج ہے اور اس کی تحقیقات جاری ہے۔
ڈاکٹر پاترا نے کہا کہ یس بینک کے پروموٹر رانا کپور سلاخوں کے پیچھے ہیں لیکن دو کروڑ روپے کی پینٹنگ خریدی تھی اور بینک سے راجیو گاندھی فاونڈیشن کو 9.45 لاکھ روپے کی رقم دی تھی۔یس بینک کا گھپلہ فنڈ کے ڈائورزن کا ہے اور بینک نے کل 3557 کروڑ روپے کا ڈائورزن کیا گیا ہے۔اسی طرح جگنیش شاہ کی فائنینشل ٹیکنالوجی انڈیا لمٹیڈ نے بھی فاونڈیشن کو 50لاکھ روپے عطیہ کیے تھے اور اس کمپنی میں 5600 کروڑ روپے کا گھپلہ ہوا ہے۔
بی جے پی ترجمان نے کہا کہ اسلامی مبلغ ذاکر نائک کے اسلامی ریسرچ فاونڈیشن کا پیسہ لوٹایا گیا لیکن وہ رقم کسی اور بینک اکاونٹ میں لوٹائی گئی۔انہوں نے کہا کہ یہ سب ظاہر کرتا ہے کہ کس طرح سے راجیو گاندھی فاونڈیشن کے ذریعہ کھلے عام ڈکیتی ڈالی گئی۔سنٹرل بیورو آف انویسٹی گیشن (سی بی آئی) اور انفورسمنٹ ڈائریکٹوریٹ اس کی تحقیقات کررہا ہے۔
