سری نگر، 19 اگست (یو این آئی) سری نگر کے نٹی پورہ علاقے میں سیکورٹی فورسز نے بدھ کی علی الصبح ایک کارڈن اینڈ سرچ آپریشن کے دوران اسلحہ برآمد کیا ہے۔
سرکاری ذرائع نے بتایا کہ جنگجوؤں کے چھپنے کی مصدقہ اطلاع موصول ہونے پر پولیس اور سی آر پی ایف کی ایک مشترکہ ٹیم نے بدھ کی علی الصبح نٹی پورہ کی آزاد بستی اور بسم اللہ کالونی کو محاصرے میں لے کر گھر گھر تلاشی آپریشن شروع کر دیا۔
سیکورٹی فورسز نے ان علاقوں کی طرف جانے والے تمام راستوں کو سیل کر دیا اور علاقے پر کڑی نگاہ رکھنے کے لئے سیکورٹی فورسز اہلکاروں نے اونچے مکانوں پر بھی مورچے سنبھالے۔
