’قانون و انتظام دم توڑ چکا ہے ‘

0
0

یوپی میں نظم ونسق جرائم پیشہ افراد کے سامنے سرنگوں:پرینکا
یواین آئی

نئی دہلی؍؍کانگریس کی جنرل سکریٹری پریانکا گاندھی نے یوگی حکومت کو ہدف تنقید بناتے ہوئے کہا ہے کہ اترپردیش میں جرائم کا سیلاب آگیا ہے اور لا اینڈ آرڈر مکمل طور پر ختم ہوچکا ہے ۔محترمہ گاندھی نے جمعہ کے روز کہا ‘‘اتر پردیش میں قانون و انتظام دم توڑ چکا ہے ۔ اب عام لوگوں کی جانیں لی جارہی ہیں۔ کوئی بھی خود کو کہیں بھی محفوظ محسوس نہیں کرتا، خواہ وہ گھر ہو، سڑک یا دفتر ہو’’۔انہوں نے بتایا کہ صحافی وکرم جوشی کو دو روز قبل غازی آباد میں قتل کیا گیا تھا اور اب کانپور میں ایک اور ہولناک واقعہ پیش آیا ہے ۔ انہوں نے کہا ‘‘وکرم جوشی کے بعد اب اغوا شدہ سنجیت یادو کو کانپور میں قتل کردیا گیا۔ پولیس نے اغوا کاروں کو رقم بھی دلوائی اور انہیں قتل کردیا گیا’’۔کانپور میں اغوا شدہ لیب ٹیکنیشین سنجیت یادو کے قتل کے سلسلے میں یوگی حکومت پر نشانہ سادھتے ہوئے کانگریس جنرل سکریٹری پرینکا گاندھی واڈرا نے جمعہ کو کہاکہ ریاست میں دم توڑ چکی نظم ونسق کی منادی شہریوں کی جان لے کر کی جارہی ہے ۔محترمہ واڈرا نے اپنے ٹوئٹ میں لکھا’اترپردیش میں نظم ونسق دم جوڑ چکی ہے ۔ عام لوگوں کی جان لے کر اب اس کی منادی کی جارہی ہے ۔ گھر ہو،سڑک ہو، آفس ہو کوئی بھی خود کو محفوظ محسوس نہیں کرتا ہے ‘۔انہوں نے لکھا’وکرم جوشی کے بعد اب کانپور میں اغوا شدہ سجنیت یادو کا قتل، خبروں کے مطابق پولیس نے اغواکنندگان کو پیسے دلوائے اور اب ان کا قتل کردیا گیا۔ایک نیا غنڈہ راج آیا ہے ۔ اس جنگل راج میں نظم ونسق غنڈوں کے سامنے سپردگی کرچکا ہے ۔قابل ذکر ہے کہ کانپور کے برّا علاقے میں ایک لیب ٹیکنیشین کا گذشتہ 22جون کو اغوا کرلیا گیا تھا۔ اغوا کنندگان نے انہیں رہا کرنے کے لئے 30لاکھ روپئے کا مطالبہ کیا تھا۔ اہل خانہ کا الزام ہے کہ پولیس نے بدمعاش کو پکڑنے کے لئے مطلوبہ رقم کو پہنچانے کو کہا تھا۔ انہو نے زمین جائیدار فروخت کر کے 30لاکھ روپئے یکجا کئے تھے جسے اغوا کنندگان کے حوالے کردیا لیکن انہوں نے سجیت کو نہیں چھوڑا۔کل دیر رات پولیس نے معاملے کا انکشاف کرتے ہوئے سجیت یادو کے قتل کئے جانے کی بات کہی اور اس سلسلے میں اس کے چار دوستوں کو گرفتار کیا ہے ۔

FacebookTwitterWhatsAppShare

ترك الرد

من فضلك ادخل تعليقك
من فضلك ادخل اسمك هنا