چینی کمپنیوں کو 5جی نیٹ ورک سے باہر رکھاجائے:پروین کھنڈیلوال
لازوال ڈیسک
نئی دہلی؍؍ تاجروں کی تنظیم کنفیڈریشن آف آل انڈیا ٹریڈرس نے ملک کے 5- جی موبائل نیٹ ورک میں چینی کمپنیوں کو شامل نہ کرنے اپیل کی ہے ۔ کنفیڈریشن کے جنرل سیکریٹری پروین کھنڈیلوال نے مرکری وزیر برائے مواصلات اور انفارمیشن ٹیکنالوجی روی شنکر پرساد کو ارسال کئے گئے مکتوب میں کہا ہے کہ ملک میں کچھ عرصے بعد لاگو ہونے والے 5 جی نیٹ ورک کے عمل سے چینی کمپنیوں ہواوے اور زیڈ ٹی ای کارپوریشن کو مکمل طور پر باہر رکھا جانا چاہئے ۔ انہوں نے کہا کہ ملک کی خودمختاری اور قومی سلامتی اور لوگوں کے ذاتی ڈیٹا کی حفاظت کو مدِ نظر رکھتے ہوئے ان دونوں کمپنیوں کو 5 جی نیٹ ورک میں حصہ لینے کی اجازت نہیں ہونی چاہئے ۔مسٹر کھنڈیلوال نے کہا کہ ایسے وقت میں جب چین ہندوستان کی سرحد پر کی قسم کی نا قابل قبول سرگرمیاں انجام دے رہا ہے ، اسے میں کسی بھی چینی کمپنی کو سکیورٹی سے متعلق کسی بھی موضوع پر جوڑنا ہندوستان کے مفاد میں نہیں ہے ۔ انہوں نے کہا کہ جس تیزی سے ملک میں اسمارٹ فون کے استعمال ہر روز اضافے ہو رہا ہے ، اس وجہ سے ہندوستان کا بہت بڑا 5 جی ڈیٹا بھی کے ذریعے اکٹھا کیا جائے گا۔اس ڈیٹا کا کوئی غلط استعمال نہ ہو اور ڈیٹا ہندوستان کے مفادات کے خلاف استعمال نہ ہو ، اس کو روکنے کے لئے دونوں کمپنیوں کو 5 جی نیٹ ورک سے دور رکھا جانا ملک کے مفاد میں ہوگا۔
